Champions League/ Milan dhe Inter të dënuar për fitore, sonte spikat Liverpool-At.Madrid! Në fushë edhe Reali me Paris SG

Champions League rikthehet këtë të martë për xhiron e tretë të fazës së grupeve, me disa ndeshje tejet emocionuese të skuadrave të madha. Milan, që është 7 herë fituesi i këtij kompeticioni, do të duhet të fitojë me patjetër kundër Portos në transfertë në rast se dëshiron të ketë ende shpresë për t’u kualifikuar.

Në Portugali do jetë jetë a vdekje, por Milani i Piolit ka një sërë mungesash. Kessie është me karton, ndërsa portieri Mike Maignan vijon të jetë i dëmtuar. Të njëjtin fat vuan edhe Florenzi me Ante Rebic, ndërsa Diaz dhe Theo Hernandes vijojnë të jenë me COVID. Përballja tjetër e këtij grupi mes Liverpool dhe Atletico Madrid në Angli është edhe supersfida e mbrëmjes.

Ndërkohë Milani nuk është skuadra e vetme e Milanos që kërkon të fitojë me patjetër. Inter gjithashtu e ka këtë detyrim, pasi në dy ndeshjet e para ka vetëm një pikë. Zikaltërit presin në San Siro skuadrën me të lehtë në letër të grupit, Sherif Tiraspol, por deri më tani kjo e fundit ka mposhtur Shakhtar dhe Real Madrid. Sakaq në Kiev ‘galaktikët’ do udhëtojnë për t’u përballur me Shakhtarin. As skuadra e Anchelotti-t nuk bën përjashtim nga fakti se 3 pikët janë tejet të rëndësishme, sidomos pas humbjes në shtëpi me Sherif.

Në grupin A Paris SG pasi mposhti Manchester City-n pret në Parc des Prince skuadrën e Leipzig. Pochetino ka me karton të kuq Di Marian, ndërsa Neymar është i dëmtuar. Pritet që Messi dhe Mbappe ta nisin nga minuta e parë. Ndeshja tjetër e grupit është Club Brugge dhe Manchester City-t. Një sfidë që nis në orën 18:45 dhe që duhet fituar nga skuadra e Guardiolës, për të lehtësuar punën e kalimit të grupit.

Në grupin C dy skuadrat favorite të grupit, Dortmund dhe Ajax, do të përballen sonte në Gjermani për të caktuar kokën. Si verhdezinjtë ashtu edhe holandezët janë me 6 pikë, ndërsa ndeshja tjetër e grupit është mes Besiktas dhe Sportingut që luhet në Turqi.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mendoni se strukturat shtetërore i kanë kapacitetet për të përballuar stinën e përmbytjeve?



×

Lajmi i fundit

John

Në dashuri ju pëlqejnë sfidat, por bëni kujdes të mos e teproni... horoskopi për sot