POP 5

Lajmet më të lexuara të 5 minutave të fundit

Sport

Champions-i/ Sonte Bayern-A. Madrid dhe Ajax-Liverpool! Në fushë edhe Inter-i me Real Madrid (VIDEO)

Emocionet e Champions League do të vijojnë sonte me të tjera superpërballje. Nga grupet A në D spikasin Bayern Mynchen-Atletico Madrid, ndërsa tifozët e futbollit do të jenë të përqendruar edhe te Ajax-Liverpool.

E mërkura do të rezervojë të tjera emocione të forta në Champions League, pasi sonte do të debutojnë 16 skuadra nga grupi A te grupi D. Mbi të tjera spikat përballja mes Bayern Mynchen, kampionës aktuale dhe Atletico Madrid. 90 minutat e këtij takimi do të kenë ndikim të rëndëishëm për renditjen e Grupit A, ndërsa tifozët e futbollit do të privohen nga disa lojtarë për shkaqe të ndryshme. Te Bayern Gnaby është i prekur me koronavirus, ndërsa Sane vijon i dëmtuar. Sakaq te skuadra spanjole nuk janë të disponueshëm Diego Costa, Ginmenez, Niguez dhe Vrsajlko, të katër të dëmtuar. Ndeshja tjetër e këtij grupi është ajo mes Salzburg dhe Lokomotiv Moscoë, që luhet në orën 18:55.

Ndërkohë për llogari të grupit B, Reali që vjen pas një turpërimi nga debutuesit e Cadiz në La Liga do të presë Shakhtar Donetsk. Në këtë sfidë gjithsesi ‘galaktikët’ janë dukshëm të avantazhuar, ndërsa ndeshja tjetër e grupit është ajo mes Interit dhe Monchengladbach. Zikaltërit që dy sezonet e fundit kanë dështuar të kalojnë grupin, vijnë pas një humbje me Milanin dhe kundër Gjermanëve një tjetër hap fals do të godiste moralisht zikaltërit. Për këtë ndeshje Conte-s do t’i rikthehen Nainggolan dhe Bastoni, ndërkohë që koronavirusi mban ende jashtë skuadrës Skriniar dhe Young, ndërsa Vecino është i dëmtuar.

Në grupin C Manchester City do të presë Porton me objektivin e vetëm për të fituar, ndërsa Midtjylland pret suprizën e sezonit të kaluar, Atalanta-n, që këtë herë duket se ka rivale Porton për të kaluar në 1/8.

Mjaft interesante do të jetë edhe përballja në grupin D mes Ajax dhe Liverpool, me anglezët të cilët duan ta nisin me këmbën e mbarë. Sfisa tjetër e këtij grupi është mes Olympiacos dhe Marseille.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Mos harroni çadrën, sot sërish reshje shiu në gjithë vendin

Mos harroni çadrën, sot sërish reshje shiu në gjithë vendin

25 Prill, 07:16