Foto: Donald Trump

Trump ka deklaruar të paktën 37 herë se një marrëveshje me Iranin ishte e afërt ose se Teherani ishte në prag të pranimit të një të tille, por ende nuk është arritur një marrëveshje përfundimtare, sipas një analize të CNN.

Sipas medias amerikane, Trump ka vazhduar të pretendojë publikisht për më shumë se dy muaj se një marrëveshje është afër, pavarësisht se negociatat ende nuk kanë dhënë rezultate konkrete.

Më 7 prill, duke njoftuar armëpushimin me Iranin, presidenti shkroi në mediat sociale se palët ishin "shumë të avancuara" në bisedime dhe se dy javë do të ishin të mjaftueshme që "marrëveshja të finalizohej".

Që atëherë, vëren CNN, nuk është arritur asnjë marrëveshje, por Trump ka vazhduar të përsërisë se një marrëveshje tani është afër. CNN thotë gjithashtu se nuk ka prova që sugjerojnë se palët janë më afër një zgjidhjeje sot sesa ishin në prill.

Që më 23 mars, presidenti foli për negociata të supozuara paqeje, duke pretenduar se "pothuajse të gjitha pikat e marrëveshjes" ekzistonin, ndërsa të nesërmen ai deklaroi se besonte se konflikti do të përfundonte së shpejti.


Lajmi kryesor:

Lufta/ BE thirrje Izraelit dhe Hezbollahut të respektojnë armëpushimin! Franca i mbyll kufijtë ministrit tjetër Izraelit, Smotrich! Irani rrëzoi helikopterin amerikan, Trump: Do t’i përgjigjemi