COVID-19/ Mjeku Sulçebe në Report Tv: Kemi 20% të popullsisë të imunizuar, duhet 60% ose 6 muaj të arrijmë kufirin mbrojtës (VIDEO)

Në 7 muaj të prezencës së COVID në Shqipëri, popullsia nuk e ka arritur imunizimin ndaj virusit. Sipas mjekut imunolog Genc Sulçebe gjatë një interviste për Report Tv, kufiri mbrojtës është 60% e popullsisë së imunizuar ndërsa në vend deri tani kemi rreth 20% qytetarë të imunizuar ndaj COVID.

"Në korrik ishte përqindja e antitrupave në 6.4%, sot ajo mund të jetë rritur. Ende nuk kemi matur gjendjen aktuale të përqindjes së antitrupave në popullatë, por pa dyshim ka evoluar që mund të shkuar në 20%. Por kjo do të vijojë të rritet me rritjen e shtimit të infeksionit. Do duhet mbi 6 muaj që të arrijmë kufirin mbrojtës të 60% të popullatës për tu imunizuar", u shpreh Sulçebe.

Mjeku Sulçebe shprehet se përhapja e infeksionit do të vazhdojë, ndërsa rekomandon një izolim të diferencuar të popullatës.

"Infeksioni po vazhdon, nëse nuk vijon me vaksinën, gjë që duket larg, infeksioni do të vijojë. Duhet të kemi një izolim të diferencuar të popullatës, pra personat me rrezik të lartë të popullatës duhet të kufizojnë lëvizjet dhe të tjerët duhet të marrin masa mbrojtëse. Personat mbi 60 vjeç janë shumë të rrezikuar, atë me sëmundje kronike, të metabolizmit, diabeti, kardiake pasi infeksioni ka shumë problematika tek kjo popullatë. Nën 50 vjeç duhet të ruhen me maska, me distancim për veten, por edhe për rrezikun e përhapjes së infeksionit tek të tjerët", tha mjeku.

Rihapja e shkollave na ka përballur me një situatë të panjohur për riskun e përhapjes së infeksioni, ndërsa doktori shpjegon se fëmijët nuk përjashtohen nga mundësia për mos u prekur.

"Edhe fëmijët nuk përjashtohen në mënyre absolute nga prekja e covid. Ata që janë obezë janë problematike, ata me sëmundje kronike si ato të lindura në gjak apo turmorale duhet të ruhen në mënyrë të veçantë. Duhet të mbahen të izoluar nga shkollat dhe për ata duhet të bëhet mësim online", tha Sulçebe

Sistemi imunitar ka aftësi ta mposhtë covid thotë mjeku, ndërsa problemet shfaqen vetëm kur ka sëmundje të tjera bashkëshoqëruese.

"Mbajtja e maskave dhe distancimi fizik janë të vetmet armë për tu mbrojtur nga covid. Kemi një përhapje të vazhdueshme dhe shqipëria është në zonën e kuqe të përhajpes së covid. Është një sëmundje akute, infektive por është vetëshëruese, sistemi imunitar ka aftësi ta mposhtë, vetëm kur sistemi imunitar është me sëmundje mund të ketë komplikacione kur prekemi me covid. Sistemi imunitar dobësohet në këtë rast nga frika, ankthi dhe i stresuar. Kjo e dobëson pacientin, dhe ne duhet të kuptojmë se është një infeksion vetëshërues", u shpreh mjeku

E vetmja mënyrë mbrojtje kundër COVID sipas mjekut Sulçebe është maska dhe distanca edhe për shumë kohë.

VIDEO/Intervista e plotë

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • shperthyesi: 23/09/2020 15:37

    i ka rene fuqia vete virusit se te jete per imunitetin e tufes...na kishte vene pertoke tani..

    Përgjigju
    • Biku: 23/09/2020 17:08

      Ti duhet te jesh virolog besoj

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Ditë me diell e temperatura deri në 28 gradë celsius, parashikimi i motit për sot

Ditë me diell e temperatura deri në 28 gradë celsius, parashikimi i motit për sot