Covid-Serbi/ Përkeqësohet situata, Vuçiç parajamëron rivendosjen e masave kufizuese! BIRN: Shifrat më të larta se ato zyrtare (VIDEO)

Në Serbi, ku pas një periudhe ngadalësimi të epidemisë, infeksionet e koronavirusi po rriten me shpejtësi, autoritetet kanë deklaruar se mund të rikthejnë masat kufizuese.

Sipas raportimeve të mediave, këtë javë njësia e krizës shëndetësore dhe autoritetet mund të shpallin rikthimin e masave.

Dje, Presidenti Aleksandër Vucic deklaroi se nuk e përjashtonte një vendim të tillë kurse Ministri i Shëndetësisë Zlatibor Loncar tha se qytetarët tani kanë mundë të tregojnë përgjegjësi për sjelljen e tyre. “Pa një sjellje të përgjegjshme, miratimi i masave të reja për të mbrojtur shëndetin e popullatës është i pashmangshëm – tha Loncar.

Në Serbi, Ministri i Mbrojtjes Aleksandër Vulin dhe Kryetarja e Parlamentit Maja Gojkovicil janë testuar pozitiv nga infeksioni i koronavirusit. Autoritetet shëndetësore në vend kanë raportuar gjithashtu se kryeparlamentarja ndodhet e shtruar në spitalin Covid në Beograd.

Në vend vetëm një pakicë shumë e vogël njerëzish duket se respekton masat parandaluese - maskat, distancën fizike dhe higjenën e duarve, teksa dhe jeta e përditshme ka rifilluar praktikisht sikur epidemia të ishte një kujtim i largët.

Deri tani në Serbi janë regjistruar në total 13 565 infeksione Covid dhe 265 viktima.

Sipas Birn, Rrjeti Ballkanik i Raportimit Investigativ, i financuar nga BE-ja, i cili ka analizuar të dhënat e marra nga sistemi informues shtetëror për COVID-19, në periudhën nga 19 marsi deri më 1 qershor, në Serbi kanë vdekur gjithsej 632 persona nga infeksioni I koronavirusit, dy herë më shumë sesa numri i lajmëruar zyrtarisht prej 244 vdekjesh në atë periudhë.

Një tjetër e dhënë nga sistemi informues shtetëror për COVID-19 gjithashtu tregon se numri i njerëzve që u infektuan në Serbi nga 17 qershori deri më 20 qershor ishte të paktën 300 në ditë, shifra këto shumë më tepër sesa shifrat e shpallura zyrtarisht, të cilat regjistruan një maksimum prej 97 rastesh të reja në një ditë të vetme gjatë asaj periudhe.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Niko: 29/06/2020 20:30

    Te vazhdoj BE ti perkedhel edhe tu bllokoj kufirin Shqiptareve, Boshnjakeve edhe Maqedonasve. Turp turp o rracistat e BE.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Pas arrestimit të Evis Berberit, qeveria emëron Gentian Gjylin në krye të ARRSH

Pas arrestimit të Evis Berberit, qeveria emëron Gentian Gjylin në krye të ARRSH