Riatdhesimi i shqiptarëve nga kampet e ferrit në Siri, Çuçi në Liban njofton një tjetër operacion: Po punojmë për të finalizuar me sukses

Riatdhesimi i shqiptarëve nga kampet e ferrit në Siri, Çuçi në Liban njofton një tjetër operacion: Po punojmë për të finalizuar me sukses

Ministri Çuçi gjatë takimit me gjeneralin libanez, Abbas Ibrahim

Qeveria shqiptare ka nisur një përpjekje të re për riatdhesimin e grave dhe fëmijëve të mbetur në Siri. Prej dy ditësh ministri i Brendshëm, Bledi Çuçi po zhvillon një vizitë në Liban në kuadër të riatdhesimit të shqiptarëve në Siri. Ministri Çuçi ka bërë takim njohje me Gjeneral Majori Abbas Ibrahim pas marrjes së detyrës së re, si dhe arritjen e dakordësisë mes tyre për të vijuar me procesin e riatdhesimit të fëmijëve dhe grave shqiptare nga kampet e ferrit në Siri. Ministri i Brendshëm, Bledi Çuçi ka treguar se Shqipëria po zhvillon një tjetër operacion për riatdhesimin e shqiptarëve në Siri. Procesi i riatdhesimit i nisur nga paraardhësi i ministri Çuçi, Sandër Lleshaj, do të vijojë duke bërë që fëmijët dhe gratë shqiptare të bllokuara të këto kampe të mund të rikthehen sërish në shtëpitë e tyre dhe pranë familjarëve. Me një postim në facebook, Çuçi shkruan se pati një takim me Gjeneral Major Abas Ibrahim, në të cilin u konfirmuar përkushtimi dhe bashkëpunimi për riatdhesimin e shqiptarëve. Çuçi shkruan se qeveria shqiptare do të punojë me të njëjtin përkushtim për të finalizuar me sukses edhe këtë operacion ashtu sikundër u bë radhën e parë.

"Në vijim të angazhimit të qeverisë shqiptare për riatdhesimin e shtetasve shqiptarë që ndodhen në kampet siriane, prej dy ditësh ndodhem në Beirut. Bashkë me Konsullin e Përgjithshëm të Shqipërisë në Liban, Marc Ghorayeb dhe Drejtorin e Drejtorisë së Antiterrorit në Policinë e Shtetit, Gledis Nano, zhvillova një takim me drejtorin e përgjitshëm të sigurisë në Liban, Gjeneral Major Abas Ibrahim. E falenderova Gjeneralin për gjjthë kontributin e tij të çmueshëm në këtë proces dhe e garantova për vijimin e bashkëpunimit mes dy vendeve tona në çështje të sigurisë dhe sidomos në finalizimin me sukses të këtij operacioni të vështirë në një kohë sa më të shkurtër. Vizita në Beirut është gjithashtu tregues domethënës i këmbënguljes së qeverisë shqiptare për riatdhesimin e shtetasve shqiptarë nga Siria. Do të punojmë me po të njëjtin përkushtim dhe vendosmëri për të finalizuar me sukses edhe këtë operacion ashtu sikundër bëmë radhën e parë", shkruan Çuçi

Edhe konsulli i nderit në Liban, Marc Ghorayeb tha për Report Tv se ishte një vizitë njohje dhe vijimin e përpjekjeve për riatdhesimin.

"Ishte një vizitë njohje mes gjeneralit Majori Abbas Ibrahim dhe ministrit Bledi Çuçi pas marrjes së detyrës së re nga ai si Ministër i Brendshëm i Shqipërisë", tha konsulli i nderit Ghorayeb

Ministri Çuçi është i shoqëruar nga kreu i antiterrorit, Gledis Nano. Të shoqëruar edhe nga Konsulli i nderit në Liban, Marc Ghorayeb, Çuçi dhe Nano janë pritur në takim nga  Gjeneral Major Abbas Ibrahim.

Delegacioni shqiptar shprehu falënderimet për përpjekjet e frytshme të kryera nga gjeneral majori Ibrahim në të kaluarën, të cilat çuan në riatdhesimin e shtetasve shqiptarë nga kampi famëkeq Al Hol dhe Roj në Sirinë verilindore. Gjatë takimit u ra dakord për të vijuar përpjekjet për riatdhesimin e grave dhe fëmijëve shqiptarë që janë ende në Siri.

Vëmendja ndaj fëmijëve shqiptarë në kampet famëkeqe të Sirisë, nisi fillimisht me rastin e Alvin Berishës, i cili ishte çuar atje nga e ëma, dhe sot gëzon jetën e një fëmije normal parën të atit dhe morave të tij në Itali. Pas tij, u bë e mundur edhe riatdhesimi  nga kampi 'Al- Hol' në Siri i Floresha Rashës me fëmijët e saj Amar Rasha, Emel Rasha dhe Hatixhe Rasha si edhe Endri Dumanit. Vetë kryeministri Edi Rama shkoi në Liban për t'i marrë ato. Bashkë me Endrin duhej të ishte edhe motra e tij, Eva Dumani, por që ajo nuk mund të gjendej në kohë dhe të shpëtohej.

Në kampet siriane ndodhen rreth 50 shqiptarë, mes tyre dhe shumë fëmijë që  presin të buzëqeshin sërish me riatdhesimin në vendin e tyre, larg luftës dhe tmerreve të kampeve siriane.

Rendit zhvillimet sipas orarit:
Ora 20:16
Vizita në Bejrut, Çuçi: Do punojmë me të njëjtin përkushtim për të finalizuar me sukses edhe këtë operacion,  ashtu si herën e parë

Ministri i Brendshëm, Bledi Çuçi ka treguar se Shqipëria po zhvillon një tjetër operacion për riatdhesimin e shqiptarëve në Siri. Me një postim në facebook, Çuçi shkruan se pati një takim me Gjeneral Major Abas Ibrahim, në të cilin u konfirmuar përkushtimi dhe bashkëpunimi për riatdhesimin e shqiptarëve. Çuçi shkruan se qeveria shqiptare do të punojë me të njëjtin përkushtim për të finalizuar me sukses edhe këtë operacion ashtu sikundër bëmë radhën e parë.

"Në vijim të angazhimit të qeverisë shqiptare për riatdhesimin e shtetasve shqiptarë që ndodhen në kampet siriane, prej dy ditësh ndodhem në Beirut. Bashkë me Konsullin e Përgjithshëm të Shqipërisë në Liban, Marc Ghorayeb dhe Drejtorin e Drejtorisë së Antiterrorit në Policinë e Shtetit, Gledis Nano, zhvillova një takim me drejtorin e përgjitshëm të sigurisë në Liban, Gjeneral Major Abas Ibrahim. E falenderova Gjeneralin për gjjthë kontributin e tij të çmueshëm në këtë proces dhe e garantova për vijimin e bashkëpunimit mes dy vendeve tona në çështje të sigurisë dhe sidomos në finalizimin me sukses të këtij operacioni të vështirë në një kohë sa më të shkurtër. Vizita në Beirut është gjithashtu tregues domethënës i këmbënguljes së qeverisë shqiptare për riatdhesimin e shtetasve shqiptarë nga Siria. Do të punojmë me po të njëjtin përkushtim dhe vendosmëri për të finalizuar me sukses edhe këtë operacion ashtu sikundër bëmë radhën e parë", shkruan Çuçi

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbëri: 25/02/2021 23:05

    Tani i kemi zgjedhjet e radhës....!!!

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/Mbledhja e këshillit bashkiak në Himarë, banori pështyn në fytyrë Vangjel Tavon

VIDEO/Mbledhja e këshillit bashkiak në Himarë, banori pështyn në fytyrë Vangjel Tavon