Petrit Vasili në '45 minuta': Votat e emigrantëve, duhet parë mundësitë reale për ta bërë të mundur

I pyetur lidhur nëse zgjedhjet lokale të LSI-së do të zhvillohen në koordinim me Partinë Demokratike, Vasili iu përgjigj pozitivisht. 

"Ka një koordinim por më kryesorja është aksioni i përbashkët opozitar. Ju e patë sesi u tallën me studentët. Rama është mashtrues i konsoliduar,"- e mbylli Vasili.

Deputeti i LSI-së, Petrit Vasili pyetjes së çfarë opozite bëri PD dhe LSI këtë vit, iu përgjigj se kjo ishte një nga më efektivet që ka parë pas vendosjes së demokracisë.

"Një nga më efektivet që ka parë këto kohë. Ka një rezultat spektakolar. Ju e shikoni që kemi një nga krizat më të thella. Kemi dëbuar ministra, ka zbuluar skandale, i kemi detyruar të pranojnë që ka marrë shuplaka,"- u shpreh Vasili. 

Më tej, kreu i grupit parlamentar paralajmëroi se në janar do të vijojnë protestat dhe zbulimi i skandaleve nga ana e opozitës.

I pyetur nëse vetë Vasili apo partia që ai përfaqëson është dakord për votën e emigrantëve, deputeti risolli edhe njëherë programin e parë të LSI-së.

"Që në programin e parë të vitit 2005 të LSI ne e kishim këtë votë. Është vënë në diskutim në draftin zgjedhor për të parë mundësitë reale për ta realizuar. Po punojnë përfaqësuesit dhe opozitës dhe mazhorancës,"- shtoi Vasili. 

Pyetjes nëse opozita do t'i bashkohet protestës së paralajmëruar të Diasporës, Petrit Vasili u shpreh se nëse do t'u kërkohet ndihmë do të marrin pjesë.

"Protesta e diasporës, nëse na fton që të bashkohemi do t’i mbështesim që çke me të,"- u shpreh kreu i grupit parlamentar të LSI-së. 

Kreu i grupit parlamentar i LSI-së, Petrit Vasili ka folur lidhur me refuzimin e kërkesës së Diasporës për një protestë para Kryeministrisë ditën e nesërme. 

Në fjalën e tij, Vasili u shpreh se kryeministri e pengoi protestën e Diasporës pasi i "prishej qejfi", ndërkohë që ka kritikuar edhe mosprononcimin e ministrit të Diasporës, Pandeli Majko. 

"Diaspora vendosi pas një kohe të gjatë të kishte një reagim dhe kjo iu pengua nga Policia e Shtetit, sepse pengohet paniku etj etj. Kjo diasporë për të cilën organizohen takime vendos njëherë të reagojë këta thonë që na prishet terezia. Po këtë bulevard e kishte bllokuar kryeministri se prezantoi ca ambulanca. Ky që pretendon që i bllokohet trafiku dha një përgjigjie të fëlliqur. Sa i takon trafikut, partia e tij ka qënë ajo që kishte standart bllokimin e këtij bulevardi me çadrave. Para çadrave të Edi Ramës nuk i kishte vendosur njeri. Diaspora shuan urinë e mijëra njerëzve. Për herë të parë kemi edhe ministër të Diasporës. Ai nuk tha asgjë. Ministri është pa gojë, memec. Gjithçka që flitet është hipokrizi. Nëse diaspora nuk është e mirëpritur, unë nuk jam për këtë. Diaspora është një dhe nuk  varet nga humori i kryeministrit,"- tha Vasili.