'Dëgjoni mjekun...'/ Rama zbërthen mashtrimin e Bashës dhe i nxjerr të ‘palarat’: Zgjohu miku im se s’ka lezet kjo farë derexheje

TIRANË- Kryeministri Rama ka publikuar një video në përgjigje të kryetari të opozitës Lulzim Basha i cili ditën e djeshme në një deklaratë për mediat ngriti zërin dhe drejtoi gishtin drejt Zija Hysa i cili thoshte se në Durrës ka mungesë tamponësh. 

Në videon e tij Rama ka publikuar dokumente që tregojnë se Hysa nuk ka arsimin e duhur për të qenë mjek, por është një ndihmës epidemiolog që ka bërë një kurs 1 vjeçar për infermier. 

Kush është Zija Hysa në të vërtetë? Fillimisht Zija Hysa është ndihmës/epidemiolog në Kujdesin Parësor të Durrësit ku edhe punon dhe jo mjek. Siç shihet edhe nga diploma, Hysaj duket se nuk ka qenë një nxënës dhe aq i mirë. Më tej po të shihni Dëshminë e Kualifikimit, Hysa ka kryer thjesht një kurs 1-vjeçar për infermieri në vitin 1988. Lejen për ushtrimin e profesionit si infermier, mjeku (sipas Bashës) e ka marrë më në fund pas 27 vitesh në vitin 2015, leje e cila edhe ajo i ka mbaruar më 14 Maj të këtij viti. Nuk dihet nëse ai e ka rinovuar sërish lejen por ajo që dihet është që tashmë Zija Hysa është licensuar nga Lulzim Basha si mjek në shërbim të trenit të vjetër të shpifjeve shurdhuese. 

Nëpërmjet një postimi në Twitter, Rama thekson se PD nuk duhet të tallet me qytetarët duke i dizinformuar ato.

"PD të mos shikojë gishtin kur gishti tregon hënën dhe hiq dorë nga reagimet me sharje e me akuza, sepse s'ia kam unë fajin atij infermierit që Lulëzimi e prezanton si mjek dhe si ekspert kombëtar të pandemisë, duke u tallur me popullin e duke dizinformuar dynjanë", shkruan Rama.

Zija Hysa dhe diploma e tij

B.K./Shqiptarja.com

TAG:
• edi rama
• lulzim basha
• Zija Hysa