Demokratët e Shkodrës analizojnë zgjedhjet e 25 prillit: Humbja erdhi nga Malësia e Madhe, Puka dhe Vau i Dejës

Demokratët e Shkodrës janë mbledhur për herë të parë pas zgjedhjeve të 25 Prillit, për të analizuar rezultatin e dalë, ku pavarësisht se në rang qarku fituan 5 mandate, pretendimet ishin për 7 të tillë. 

Në selinë e PD në Shkodër u mblodhën sot të gjithë anëtarët e kryesisë si dhe kandidatët e listës së zgjedhjeve të 25 prillit që kanë përfaqësuar Shkodrën, ndërkohë që i pranishëm ishte edhe drejtuesi politik i PD në Shkodër Helidon Bushati.

Burime për Report Tv thanë se kreu i PD Shkodër, Xhevdet Amuli e konsideroi të suksesshëm rezultatin, por tha se në rang qarku pritshmëritë nuk u arritën në Malësi të Madhe, Pukë dhe Vaun e Dejës.

Por nuk kanë munguar edhe replikat. Të njëjtat burime konfirmojnë se anëtarët e kryesisë së degës Shkodër janë shprehur të pakënaqur me rezultatin e njëjtë si në 2017, e të tjerë janë shprehur se akuzat për shitblerjen e votës duhet të ishin denoncuar më herët dhe jo pas zgjedhjeve, kur rezultati është në kutitë e votimit.

Partia Demokratike e Shqipërisë tashmë ka nisur procesin e analizave të rezultatit të zgjedhjeve në të gjithë qarqet e vendit ndërkohë ka ankimuar në KQZ rezultatin e 9 qarqeve mes të cilëve edhe të Shkodrës.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen