Dënim i ri për Juventusin, klubi pranon fajësinë! 'Zonja' ia hedh me gjobë, Agnelli në gjyq

Dënim i ri për Juventusin, klubi pranon fajësinë! 'Zonja' ia hedh me gjobë, Agnelli në gjyq

Ish-drejtuesit e pezulluar të Juventusit

Juventus u përball sot me gjyqin për fshehje të të ardhurave dhe pagesat e lojtarëve në të zezë. Pas heqjes së 10 pikëve për plusvalencat, "Zonja e Vjetër" ka gjetur akordin me Prokurorinë në Itali për një gjobë prej 718 mijë eurosh.

Gjykata Federale Kombëtare ka pranuar marrëveshjen e fajësisë së Juventusit për "manovrën e pagave". Dënim vetëm me gjobë për klubin, që heq dorë nga apelimet. Si pjesë e marrëveshjes për pranimin e fajësisë, Juventus u gjobit me 718.000 euro.

Nga ana tjetër, ish-presidenti Andrea Agnelli do dalë në gjyq më 15 qershor. Asnjë marrëveshje për pranimin e fajësisë për ish-presidentin e Juventusit, Andrea Agnelli, i cili do të dalë në gjyq në Gjykatën Federale Kombëtare, me një seancë të caktuar për 15 qershor.

Kësisoj, renditja e Serie A nuk ndryshon, me bardhezinjtë që janë në garë për të zënë një vend në zonën evropiane. Me këtë dënim vetëm me gjobë, duket se Juventusi ka mbyllur llogaritë me Gjykatën, duke u dënuar vetëm me -10 pikë, kjo për shkak të "plusvalencave" dhe ndryshimeve në librat e llogarisë së klubit.

Dënimi i ri për Juven u komentua nga presidenti i Federatës Italiane të Futbollit, Gabriele Gravina"Ka një moment verifikimi, vlerësimi dhe gjykimi, por ka edhe një moment për të vendosur dhe për të parë të ardhmen me qetësi më të madhe, të gjitha në respektim absolut të rregullave. Ky akt i fundit është i parashikuar nga normat tona, i dëshirueshëm dhe i përbashkët dhe është rezultati më i bukur i futbollit italian, të gjesh një moment qetësie”.

Renditja:

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Rezultat historik për boksin shqiptar, Alban Bermeta mes 20 më të mirëve në botë (FOTO)

Rezultat historik për boksin shqiptar, Alban Bermeta mes 20 më të mirëve në botë (FOTO)