Denoncimi i Federatës Shqiptare Rafting: Guida të papërgjegjshme rrezikojnë jetën e turistëve, i fusin në lumin Vjosë pa masat e sigurisë (VIDEO)

Një denoncim është bërë në Facebook nga Federata Shqiptare Rafting për turistë që futen në lumin Vjosë nga disa guida pa masat e sigurisë. Në një video tregohet se si grupi i turistëve qëndron në lumë duke rrezikuar jetën.

Sipas Federatës, gjatë këtij muaji, lumi Vjosa kërkon guida të certifikuara dhe veshje profesionale sipas satandateve të BE për shkak të nivelit të vështirësisë që sjell rryma.  

“Njerëz të papërgjegjshëm, pseudo Guida fusin turistë në Vjosë pa masat e sigurisë dhe pa trajnimet e duhura nga Federata Shqiptare e Rafting. Lumi Vjosa në muajin maj është niveli i 4 i veshtirësisë dhe kërkon guida të certifikuara dhe trainuara për nivelin i 4 të veshtirësisë,veshjet profesionale sipas standarteve te BE”, thuhet në reagim.

LEXO EDHE:
Ditëlindja e Parkut Kombëtar të Vjosës/ Rama: Po kthehet në kartëvizitën më të vyer të Shqipërisë

Videoja thonë se është kryer ditën e sotme kur disa persona futën një grup me studentë pa veshjet e duhura. Presidenti i Federatës Zamo Spathara, i cili ndodhej aty reagoi dhe u bëri thirrje të mos vazhdonin dhe të ndërprisnin organizimin sepse do të rrezikonin e jetën e turistëve, por ata vazhduan kundra të gjitha rregullave, standarteve dhe ligjeve, thuhet në reagimin e Federatës.

“Nuk është hera e parë që Federata Shqiptare e Rafting reagon dhe tërheq vëmendjen për rrezikun që sjellin për jetën e turistëve guida të papërgjegjshme,te pa trainuar dhe certifikuar nga Federata perkatese!I bëjmë thirje autoriteteve dhe institucioneve të marin masa urgjente për ndalimin urgjent të këtyre grupeve të rrezikshme”, shkruan Federata.

Në përfundim i bën thirrje të gjthë turistëve vendas dhe të huaj si edhe agjensive dhe tour operatorëve të drejtohen te Federata Shqiptare e Rafting për tu shoqëruar gjatë aktiviteteve të Rafting nga guida të trajnuara pranë saj.

M.Q./KT/Shqiptarja.com

TAG:
• Zamo spathara
• lumi vjosa
• rafting