Prokuroria e Elbasanit ka depozituar në Gjykatë kërkesën për ekstradimin e turkut Faruk Ozer. Prokuroria e Elbasanit ka depozituar në Gjykatë kërkesën për ekstradimin e turkut Faruk Ozer. Më anë të “Notë Verbale” Ambasada e Turqisë në Tiranë i ka përcjellë Ministrisë për Europën dhe Punët e Jashtme dokumentacionin e kërkuar për ekstradimin në Turqi e Faruk Fatih Ozer.
Faruk Ozer u arrestua në jug të vendit, pasi ishte shpallur në kërkim ndërkombëtar, pasi dyshohet se ka mashtruar 400,000 persona, të cilët kanë depozituar 2 miliardë dollarë kriptovaluta në bursë.
Si u kap në Shqipëri
SHISH dhe Forcat Operacionale ndoqën për 5 javë Faruk Ozerin. Report TV mëson se jetesa e tij shtrihej me Elbasanit dhe resortit luksoz në Palasë. Për disa javë, Ozer ka shijuar plazhin e jugut në vend duke ndryshuar edhe pamje për të mos u njohur, me flokë të qethura dhe me mjekër. Ozer është identifikuar nga gjurmët e gishtërinjve që linte teksa pushonte në ambientet e plazhit luksoz. Bashkë me 28-vjeçarin u kap në Palasë të Himarës e bashkë me të u arrestua edhe Edevaldo Haxhiu, nipi i presidentit të Federatës Shqiptare të Futbollit, Armand Duka që akuzohet se e ndihmonte të shumëkërkuarin që t’i fshihej autoriteteve. Në shoqërinë e tyre, thanë burimet policore, ishte dhe një person i tretë, i arrestuar, shqiptar nga Tirana, Briken Shkëmbi, 36-vjeç. Bosi i kriptomonedhave fshihej prej 4 muajsh në një banesë me qira në Elbasan, jo në emër të tij të cilën dyshohet se ia kishte siguruar Edevaldo Haxhiu.
Skema e mashtrimit
Faruk Ozer i arratisur prej muajit prill të vitit 2021 akuzohet në Turqi se në bashkëpunim me persona të tjerë ngriti një skemë mashtrimi nëpërmjet krijimit dhe shitjes së monedhave virtuale përmes kompanisë që vetë ai themeloi duke mashtruar rreth 400 mijë persona që investuan në platformën e tij, tashmë të mbyllur.
Autoritetet atje i bllokuan llogaritë bankare të kompanisë THodex ku iu gjetën 16 milionë lira. Sipas mediave turke, në momentin që është arratisur nga vendi, Faruk Ozer kishte me vete një server ku mbahen 108 milion dollar në formë kriptomonedhash. Në Turqi janë arrestuar disa bashkëpunëtorë të 28-vjeçarit me akuzën e mashtrimit.
Lajme të tjera
-
Sokol Cikalleshi firmë të re mbi kontratë
17 Prill, 15:31 -
'S'dua të ndjeni mëshirë për mua', Rey Manaj: Idhull kam Ronaldo Fenomenin, më pëlqen bakllavaja
14 Prill, 22:33 -
Turqi/ Rrëzohet teleferiku në Antalia, 1 i vdekur, qindra persona të bllokuar në ajër
13 Prill, 09:34 -
Gjobë 115 mijë euro për Fenerbahcen, trajneri pezullohet me 60 ditë
11 Prill, 18:32 -
Turqi/ Sulmi me armë në kishën në Stamboll, arrestohen 48 të dyshuar për lidhje me Shtetin Islamik
6 Prill, 13:21 -
VIDEO/ Manaj hero i Sivassporit, goli i shqiptarit rikthen ekipin te fitoret pas 2 humbjeve
4 Prill, 10:02 -
Besiktas refuzon 20 milionë euro për Ernest Muçin
3 Prill, 14:52 -
Turqi, zjarr në një pallat në qendër të Stambollit, deri tani 29 të vdekur
2 Prill, 16:13 -
Shembet ballkoni ku po festonte fitoren, vdes zyrtari i opozitës në Turqi (VIDEO)
1 Prill, 21:28 -
Zgjedhjet në Turqi, Erdogan pranon humbjen: Pikë kthese për partinë, s'morëm rezultatin e dëshiruar! Opozita shpall fitoren në Stamboll e Ankara
1 Prill, 07:57 -
Zgjedhjet në Turqi, Erdogan përballet me humbje! Stambolli, Ankaraja dhe qytete të tjera të mëdha i fiton opozita
31 Mars, 19:03 -
Turqia mban zgjedhjet lokale, Erdogan synon ta rimarrë Stambollin
31 Mars, 09:43
