Deputeti i PD tregon rastin e rëndë të 28-vjeçarit: Po sillni ilaçe të dyshimta!

Deputeti demokrat, Tritan Shehu, vuri theksin në Parlament te mungesa e sigurisë së ilaçeve dhe kujdesit paliativ si shembull i korrupsionit në shëndetësi. Shehu përmendi rastin e rëndë të një djali të ri 28 vjeç nga Ballshi me tumor recebral, me metastazë pulmonare, një rast shumë i vështirë, theksoi Shehu.

“Kishte nevojë për kujdes paliativ. Fola me mjekët e Ballshit, fola me mjekun e familjes, me spitalin e Fierit, e vetmja gjë që bënë, e shtruan 4-5 ditë në spital pastaj e kthyen dhe asnjë kujdes. E lanë si bagëti.

Pa asnjë kujdes paliativ, pa asnjë njeri që të kujdesej. Mjeku i familjes donte të bënte diçka, por s’bënte dot asgjë në atë situatë sepse mungonte struktura e kujdesit paliativ, krejtësisht në atë rreth, e cila minimalisht gjendet në Tiranë, Durrës, Korçë dhe kaq. Po për pjesën tjetër të Shqipërisë? Sistemi juaj sigurativ nuk bëri asgjë, megjithëse ata ishin të siguruar. Kjo është shëndetësia shqiptare të cilën e krahasoj me shëndetësinë e Afrikës qendrore”.

LEXO EDHE:
Rama tur takimesh me diasporën, PD: Shfaqja e radhës, ka penguar votën e emigrantëve

“Sistemi farmaceutik është në kolaps”, tha Shehu, duke theksuar se lista e barnave nuk rinovohet, por vetëm për aferat e grupeve të interesit, në kundërshtim me ligjin.

“Medikamentet që keni sjellë janë të dyshimta, të paqarta dhe me çmimin që u keni vënë ju favorizoni medikamente të caktuara duke krijuar monopole të kompanive, të cilat nuk japin cilësinë e sigurisë medikamentoze që duhet të japin”, tha deputeti demokrat.

TAG:
• edi rama
• kuvendi
• taksa per rrugen e kombit
• saimir tahiri
• seance plenare

Sondazhi i ditës:

Sa i përhapur është korrupsioni në Shqipëri?

• Shumë

  84.4%

• Pak

  9.5%

• Nuk e di

  6.1%

Vota total: 1857

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di