Është në pritje të ëmbël, deputetja e PS-së, Blerina Gjylameti pozitiv me COVID-19

TIRANË- Deputetja e PS-së, Blerina Gjylameti është infektuar me COVID-19.

Lajmi konfirmohet nga burime për Report TV.

Mësohet se ka rezultuar pozitiv edhe bashkëshorti i saj. Kujtojmë që deputetja është shtatzënë.

Përmes një postimi në Facebook, Gjylameti shkruan se ajo ka rezultuar pozitive ditën e hënë. Ndërsa tani ajo thotë se nuk ka simptoma të rënda dhe se gjendet në gjendje të mirë shëndetësore.

"Të dashur miq, ditën e hënë në darkë pas simptomave të para iu drejtova institucioneve mjekësore për tu testuar dhe rezultova pozitive. Si unë, ashtu edhe familja ime jemi të karantinuar dhe në gjendje të mirë shëndetësore, me simptoma të lehta duke u trajtuar me të gjithë protokollet e nevojshëm për të kaluar me sa më pak komplikime këtë sëmundje kaq të pabesë .

Falenderoj stafin mjekësor për gatishmërinë si heronjtë real të kësaj lufte dhe standartet e larta të vendosura pavarësisht sakrificave dhe orareve të tekzgjatura.

Të jemi të kujdesshëm dhe të zbatojmë rregullat si mbajtja e maskës, distanca sociale dhe larjen e duarve.

Ju uroj të gjithëve shëndet. Së shpejti sërish bashkë !" - shkruan ajo.

B.K./E.M./Shqiptarja.com

TAG:
• blerina gjylameti
• koronavirusi ne shqiperi