POP 5

Lajmet më të lexuara të 5 minutave të fundit

Sport

Derbi ngjyroset zikaltër, Milan dorëzohet pa kushte ndaj Interit

Derbi i Milanos që vendoste jo pak për titullin në Seria A nuk ka patur shumë histori. Interi ka fituar pastër 3-0, duke u shkëputur me plus katër pikë në krye të kampionatit.

Titulli i Seria A për këtë sezon ka nisur të ngjyroset zikaltër. Skuadra e Conte-s ka fituar 0-3 derbin me Milanin, duke e çuar +4 pikë diferencën me ndjekësit në kampionat.

Në San Siro u deshën 5 minuta lojë për të parë golin e parë, që u realizua nga Lautaro Martinez me kokë. Bomberi Interist u shërbey në mënyrë të përkryer nga Lukaku, i cili ishte një nga më të mirët sot në fushë, për të mos thënë më i miri.

Goli zgjoi Milanin, që minutat më të mira i pati në fillimin e pjesës së dytë, por Handanovic në të paktën tre raste bëri heroin për Interin. Kjo i dha zemër zikaltërve, të cilët me një kundërsulm në minutën e 57 dyfishoi po me Lautaro-n, që realizoi ‘dopietën’ personale’.

Më tej një sprint golapant i Lukakut dhe një goditje e fortë me të majtën solli golin e tretë, që vulosi edhe shifrat përfundimtare të takimit. Me këtë fitore zikaltërit ngjiten në kuotën e 53 pikëve, 4 më shumë se Milani ndjekës. Ky ishte derbi i parë pas 10 vitesh që vendoste jo pak për titullin, por ndryshe nga hera e parë, u fitua nga zikaltërit.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Olivier Giroud largohet nga Milani, do jetë ylli i ri i MLS

Olivier Giroud largohet nga Milani, do jetë ylli i ri i MLS

24 Prill, 16:30