POP 5

Lajmet më të lexuara të 5 minutave të fundit

Sociale

Deti 'merr' tokën, Semani dhe Darëzeza më Fier drejt 'zhdukjes'! Erozioni detar shkatërron plazhin dhe pyllin

Plazhi i bregdetit të Semanit dhe Darëzezës çdo vit e më shumë po shkon drejt zhdukjes për shkak të fenomenit të erozionit detar. Banorët ankohen se për shkak të përparimit të përvitshëm të detit drejt tokës dhe brezit pyjor veç natyrës, po dëmtohen dhe bizneset e vogla lokale përgjatë zonës bregdetare.

Plazhi i bregdetit të Semanit dhe Darëzezës çdo vit e më shumë po shkon drejt zhdukjes për shkak të fenomenit të erozionit detar. Banorët ankohen se për shkak të përparimit të përvitshëm të detit drejt tokës dhe brezit pyjor veç natyrës, po dëmtohen dhe bizneset e vogla lokale përgjatë zonës bregdetare.

Rëra kurative e bregdetit të Semanit çdo vit e më tepër po zhduket për shkak të fenomenit të erozionit ku deti përparon drejt tokës e pyllit duke marrë me vete gjithçka i del para.

E njëjta situatë shfaqet edhe në plazhin e Darëzezës ku për shkak të futjes së tokës rënore në det pylli i pishave dhe halorëve po shkon drejt shkatërrimit. 

Në bregdetin e Semanit deti merr me vete mbi 15-20 metra toke rënore çdo vit ndërsa të dëmtuara kanë mbetur dhe lokalet e ndërtuara me dru gjatë sezonin turistik, për të cilën banorët thonë se është një femomen i pandalshëm për të cilën nuk janë marrë masa ndër vite.

 “Këtu para 30 vitesh ka qene deti mbi 800 metra larg. Për vit merr mbi 20-30 metra. Ka pasa gabina plazhi pushonin njerëzit argëtoheshin. Duke ardhur e duke u shkatërruar vit për vit”, shprehet një banore.

Ka mbi 3 dekada kjo kullë, e cila ka qenë e plazhit të vjetër tanimë  është futur në det .

 “Kjo kulla që duket këtu ka qenë e plazhit të vjetër është bërë në vitet ’90. Pas 30 vitesh kjo ka hyrë 150 metra brenda”, thotë kryeplaku i fshatit Tonin Cala.

Erozioni detar pritet të rritet në vitet në vazhdim dhe për shkak të afrimit të detit zonat e ulëta janë ato më të rrezikuara nga dëmtimi I argjinaturave mbrojtëse.

 

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Presidenti i ri duhet të jetë i PS apo i opozitës?

Lajme të tjera



×

Lajmi i fundit

John

Parashikimi i motit për ditën e sotme, kthjellime dhe temperatura të larta

27 Maj, 07:20