Dhunon gruan dhe e kërcënon me thikë, arrestohet 61-vjeçari në Durrës

Dhunon gruan dhe e kërcënon me thikë, arrestohet 61-vjeçari në Durrës

Foto ilustruese

DURRËS- Dhuna në familje është shndërruar në një fenomen i cili ka marrë përmasa të frikshme kohët e fundit. Në Mirditë,  ish-burri vret nënën e tre fëmijëve të tij, një tjetër vret gruan në Durrës, e ndërsa sot raportohet për një tjetër kërcënim për jetën. Burime zyrtare bëjnë me dije se është arrestuar 61-vjeçari pasi ka ushtruar dhunë ndaj bashkëshortes së tij, madje edhe e ka kërcënuar se do ta vrasë me thikë. Në pranga ka rënë B.V.,61 vjeç, banues në Durrës.

"Specialistët për Hetimin e Krimeve në Komisariatin e Policisë Durrës, në vijim të punës për parandalimin e përshkallëzimit të dhunës në familje, arrestuan në flagrancë shtetasin: B.V.,61 vjeç, banues në Durrës. Ky shtetas ka ushtruar dhunë fizike dhe psikologjike,si dhe ka kërcënuar me thikë bashkëshorten e tij", bëjnë me dije uniformat blu.

Ndërkohë edhe në Kamëz, është arrestuar një tjetër person pasi ka kërcënuar me fjalë ish-bashkëshorten. Në pranga ra 37 vjeçari K. H..

Dhuna ndaj grave ka qenë kryefjalë në ditën e parë të Kongresit të Partisë Socialiste, e ndërsa mësohet se deputetët kanë kërkuar ndryshime urgjente në Kodin Penal duke kërkuar deri në 10 vjet burg.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Ditë me diell e temperatura deri në 28 gradë celsius, parashikimi i motit për sot

Ditë me diell e temperatura deri në 28 gradë celsius, parashikimi i motit për sot