Dibra 'nën pushtetin' e dëborës, arrin deri 1.5 m, izolohen 5 mijë banorë të fshatit Ostren, mungon edhe energjia

Qarku i Dibrës vijon të jetë i dominuar nga reshjet intensive të dëborës dhe ngricat, të cilat kanë 'paralizuar' zona të tëra. Report Tv mëson se 30% e njësive administrative janë pa energji elektrike prej dy ditësh, ndërsa rrugët rurale janë të bllokuara. Trashësia e dëborës në zonat e ulëta arrin në 50 cm, ndërsa në ato të thella dhe malore rreth 1.5 m. Emergjente është situata në Njësinë Administrative Ostren me rreth 5 mijë banorë, të cilët kanë kërkuar ndihmë pasi mungon energjia elektrike si dhe nuk ka as kujdes mjekësor. Aksi nacional Peshkopi-Tiranë qarkullohet me zinxhirë. Por situata duket më problematike në rrugët e fshatrave që lidhen me qendrat e banuara si Peshkopi dhe Bulqizë. 

Lajmi kryesor:

Reshjet e dëborës në vend/ Dibra qarku më problematik, izolohen 5 mijë banorë të fshatit Ostren, mungon edhe energjia

TAG:
• Diber
• reshjet e debores