Dita e dytë në Universitet, Korça dhe Elbasani ‘nuk zënë mënd’ lejojnë edhe të pavaksinuarit në auditorë, studentët: Nuk bëjnë diferencime për shkak të vaksinës

Studentë me maska, disa të tjerë pa, ndërsa kishte edhe nga ata që në duar kishin pasaportën e vaksinimit, si të vetmen mundësi për të hyrë në auditorë, ndërsa krejt ndryshe duket situata në Universitetin e Korçës dhe të Elbasanit ku sërish është shkelur urdhri.

Urdhri për moslejimin e studentëve të pavaksinuar në Universitet, me qëllim mbajtjen nën kontroll të pandemisë, ndërkohë që është shfaqur edhe varianti agresiv delta ishte i qartë, por duket se shumë rektorë nuk e kanë zbatuar atë, duke e konsideruar javën e parë si këshillimore.

Kjo situatë ka mbizotëruar në Universitetin e Korçës, ku studentët e pavaksinuar janë lejuar pa asnjë pengesë të hynë në auditorë.

Për mikrofonin e Report Tv kanë folur disa prej tyre.

“Jemi lejuar të futemi në auditorë edhe pse nuk e kemi bërë vaksinën. Kemi mbajtur maska, kemi ruajtur distancën.”, tha njeri prej tyre.

Një studente, tregoi se nuk ka asnjë diferencim mes personave të vaksinuar dhe atyre të pavaksinuar.

“Jam vaksinuar me të dyja dozat, tani që erdha në shkola kam parë që ka edhe nga ata të cilët nuk e kanë bërë vaksinën, nuk e di kush do të mbajë përgjegjësi. Nuk ka asnjë diferencim mes të vaksinuarve dhe të pavaksinuarve.”, tha ajo.

Kjo është dita e dytë që në Universitetin e Korçës dhe të Elbasanit nuk po zbatohen rregulli për studentët e pavaksinuar.

Sipas burimeve për Report Tv, në Universitetin e Elbasanit “Aleksandër Xhuvani”, studentët janë detyruar të mbajnë maskën anti-COVID, ndërsa nuk i është kërkuar pasaporta e vaksinimit si një provë për të marrë pjesë në mësim.

Ditën e djeshme ishte dita e parë e vitit të ri akademik, këtë herë ndryshe pasi jemi nën “presionin” e COVID-19. Ditën e parë në universitet e vendit studentët nuk janë lejuar që të futen në auditorë, nëse ishin të pajisur me certifikatën vaksinimit, përveç se në Universitetet e Korçës, Durrësit dhe Elbasanit, ku rektoratet me vendimet e tyre kanë shkelur urdhrin e ministres së Shëndetësisë Ogerta Manastirliu. Problematike vijon ende situata në Universitetin e Korçës dhe të Elbasanit.

 

 

J.GJ./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • IVaksinuar: 19/10/2021 14:43

    Une jam vaksinuar. Jam kunder qe vaksina te behet me force. Te mos lejosh Studentet te ndjekin mesimin eshte krim me i madh se sa te bejne Kaksinen. Dhe sduhet te tolerohet nga Studentet dhe nga familjet e tyre. Secili e di vet se cfare duhet te beje me trupin e tij. Forca Student/e mesoni dhe jepini dinjitet vendit tone.

    Përgjigju
  • Sondazhi i ditës:

    A duhet të ndalohen filmat shqiptarë të prodhuar gjatë periudhës komuniste?



×

Lajmi i fundit

John

Vetëm nga një fshat u varrosën dje 17 persona që humbën jetën tragjikisht në Bullgari! Flet kryetari i Komunës