X

POP 5

Lajmet më të lexuara të 5 minutave të fundit

Politikë

Do ta largojnë Ramën për Ditën e Verës apo jo? Përçahet dega e PD-së në Elbasan (VIDEO)

Kryeqendra e festimeve do të jetë Elbasani, ndërsa mbrëmjen e sotme në këtë qytet do të jetë edhe kryeministri Edi Rama që do të organizojë një darkë me qeverinë, kryesinë e partisë dhe deputetët për situatën politike dhe angazhimet.

Nesër është Dita e Verës. Kryeqendra e festimeve do të jetë Elbasani, ndërsa që mbrëmjen e sotme në këtë qytet do të jetë edhe kryeministri Edi Rama që do të organizojë një darkë me qeverinë, kryesinë e partisë dhe deputetët për situatën politike dhe angazhimet. Por duket se vizita e kreut të qeverisë ka përçarë Partinë Demokratike për mënyrën e pritjes. Ish-deputeti Endri Hasa ka postuar një pankartë me mbishkrimin 'Rama ik' mbi një urë në rrugën kryesore, ndërsa shton se Elbasani pret këdo përveç Ramës.

"Elbasani mirëpret këdo sot dhe nesër për natën e ditën e verës por i thotë IK kryebanditit që ka marrë peng vendin. Shqipëria është e njerëzve dhe banditët duhet të largohen! RAMA IK! 16Mars" shkruan Endri Hasa, ish-deputet i PD-së, që u zgjodh në këtë qark në zgjedhjet e 2017, por para një muaji dogji mandatin. Por i një tjetër mendimi është kryetari i degës së PD-së në këtë qytet, Eugen Isaj thotë se këta e meritojnë që ti përzësh, por Elbasani e respekton ditën e verës dhe mikpritjen duke shtyrë ballafaqimin në 16 mars para Kryeministrisë.

"Vitet e fundit kjo festë ka nisur të zbehet dhe arsyeja është varfëria. Flitet që sot kryeministri dhe shpura e tij do të vijnë në darkë në Elbasan, do vijnë, do të hanë dhe do të pinë e do të ikin, nuk është se respektojnë festën tonë të dashur, por thjeshtë duan ta përdorin. Këta e meritojnë që ti përzësh nga Elbasani, por ne e respektojmë ditën e verës, ne e respektojmë mikpritjen dhe ballafaqimin me ne do ta ketë në 16 mars" deklaroi kryetari i PD në Elbasan, Eugen Isaj.

Pankarta e vendosur

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Pagesat elektronike, Delina Ibrahimaj: Ja si do realizohet dhe kategoritë që përfitojnë

Pagesat elektronike, Delina Ibrahimaj: Ja si do realizohet dhe kategoritë që përfitojnë

23 Prill, 14:40