'Dopieta' e Sadikut nderon Malaga-n, klubi del përkohësisht jashtë zonës së ftohtë

Armando Sadiku ka rezultuar njeriu i ndeshjes në fitoren e rëndësishme të Malaga-s kundër Tenerife-s të vlefshme për La Liga-n e dytë Spanjolle. Sulmuesi elbasanas ka realizuar të dy golat në fitoren 2-0 të ekipit të tij, duke e nxjerrë përkohësisht nga zona e ftohtë e klasifikimit.

Sadiku fillimisht do të realizonte në minutën e 27 pas një zhvillimi të një goditje këndi. Sulmuesi përfitoi nga rrëmuja në zonë për të zhbllokuar rezultatin dhe për ti dhënë avantazhin Malaga-s. Ndërkohë goli i dytë do të vinte në fraksionin e dytë të lojës. 28-vjeçari mori përsipër të ekzekutonte një penallti të fituar me ‘VAR’ dhe nga 11 metrat nuk gaboi duke dyfishuar dhe njëkohësisht duke volusur shifrat përfundimtare.

Për këtë ‘dopietë’ Sadiku e shprehu gëzimin në rrjetet sociale ku pas ndeshjes shkroi: “Fitore shumë e rëndësishme përballë tifozëve tanë. Shumë I lumtur që ndihmovë elkipin me dy gola. Kjo është rruga.”

Pas 18 ndeshjesh në kampionat Sadiku ka gjetur rrugën e rrjetës në gjashtë raste, ndërsa Malaga aktualisht renditet në vendin e 17 me 20 pikë.

Ne.k./Shqiptarja.com

TAG:
• malaga
• Armando Sadiku