POP 5

Lajmet më të lexuara të 5 minutave të fundit

Sociale

Drama e familjes Menkshi në Pogradec/ Mes sëmundjeve dhe mjerimit bën apel për ndihmë

Familja me katër anëtarë  e Xhevaire Menkshit nga fshati  Homezh, i Mokrës në Pogradec prej vitesh jeton në kushte shumë të rënda ekonomike, e si të mos mjaftonte kjo dy nga djemtë e saj vuajnë nga paaftësia mendore gjë e cila u ka vështirësuar më tepër situatën e tyre. E  vetmja e ardhur e tyre është  një pension minimal, të cilin e përfiton e zonja e shtëpisë.

Varfëria dhe mjerimi janë pjesë e pandashme  për 4 anëtarët  familjes Menkshi nga fshati  Homezh, i Mokrës në Pogradec.

E zonja e shtëpisë, Xhevaire Menkshi,  prej disa vitesh është sëmurë, e mes dhimbjes, tregon vështirësitë që ka hasur deri më tani. Ajo shprehet se deri para pak kohësh ka punuar me bagëtitë nga ku siguronte edhe ushqimin për fëmijët e saj,  ndërsa sot nuk mundet më të punojë për shkak të pamundësisë fizike.

Bashkëshorti i  ka ndërruar jetë 5 vite më parë e tashmë ajo jeton e vetme me 3 djemtë e saj, ku dy prej të cilëve janë invalidë gjë e cila u ka vështirësuar më tepër situatën.

Shtëpia është tërësisht e amortizuar dhe kudo mbizotëron lagështira. Ndërsa, sfida e tyre e përditshme është mbijetesa dhe gjetja e një mënyre për të krijuar një të ardhur, pasi e vetmja mundësi ekonomike është pensioni minimal që përfiton kryefamiljarja. Xhevrie Menkshi u  bën apel për ndihmë bizneseve dhe institucioneve për ta lehtësuar sado pak peshën e rëndë nga skamja.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Siguria ushqimore, vetëm 5% e qumështit që prodhohet në vend testohet

Siguria ushqimore, vetëm 5% e qumështit që prodhohet në vend testohet

25 Prill, 07:29