Fajtor! Ky është ky vendimi i gjykatës amerikane për ish-oficerin e policisë Derek Chauvin, për vrasjen e afro-amerikanit George Floyd një vit më parë, ngjarje që shkaktoi protesta masive në SHBA dhe jo vetëm.
“Ne juria, sikundër përmendëm më sipër akuzat për vrasje e paqëllimshme, vrasje e shkallës së dytë, e shpallim të pandehurin fajtor”, u shpreh Peter Cahill.
Chauvin kishte deklaruar se ishte i pafajshëm, por tanimë pas një seance të gjatë gjyqësore ai përballet me një dënim që mund të shkojë në 40 vite burg, pasi ligji në Minesota, për një person pa të shkuar kriminale, çdo akuzë për vrasje mbart një dënim të prezumuar prej 12 vite dhe 6 muaj, ndërsa një dënim për vrasje pa dashje ka një dënim të prezumuar prej katër vitesh.
Por secila akuzë mbart një dënim të ndryshëm maksimal - 40 vjet për vrasje të paqëllimshme të shkallës së dytë, 25 vjet për vrasje të shkallës së tretë, 10 vjet për vrasje të shkallës së dytë.
Vendimi i jurisë erdhi një ditë pas argumenteve përmbyllëse të hënën, të cilët zgjatën mbi 10 orë në të cilat prokurorët argumentuan se ish-polici i mori jetën George Floyd-it majin e kaluar në një mënyrë që sipas tyre edhe një fëmijë e dinte që ishte e gabuar. Mbrojtja pretendoi se oficeri tanimë i pushuar nga puna veproi në mënyrë të arsyeshme dhe se 46-vjeçari vdiq nga një problem me zemrën dhe konsumimi i lëndëve narkotike.
E në të njëjtin moment kur u dha vendimi jashtë gjykatës, një turmë prej disa qindra njerëzish shpërtheu në brohoritje, si për të shënuar triumfin e drejtësisë. Skena u kthye shpejt festive me makina që u binin borive, demonstrues që bllokonin trafikun dhe brohorisnin "George Floyd".
Në sheshin George Floyd në Mineapolis, kryqëzimi ku u vra ai të cilit më pas iu vu emri për nder të tij, njerëzit brohorisnin dhe duartrokisnin.
Për vendimin ka reaguar edhe presidenti Joe Biden dhe zëvendës presidentja Kamala Harris, të cilët komunikuan me familjen e Floyd.
Zoti Biden, zonja Harris dhe zonja e parë Jill Biden të gjithë folën në telefon me vëllain e George Floyd, Philonise Floyd nga Zyra Ovale, tha Shtëpia e Bardhë.
Presidenti Biden tha se racizmi sistematik “është një njollë në shpirtin e vendit tonë”.
“Askush nuk duhet të jetë mbi ligjin, dhe vendimi i sotëm e dërgon këtë mesazh, por nuk është e mjaftueshme. Nuk mund të ndalemi këtu. Për të sjellë ndryshime dhe reforma reale, ne mund dhe duhet të bëjmë më shumë për të reduktuar gjasat që tragjedi si kjo të ndodhin përsëri”, tha presidenti.
Edhe ish-presidenti Barack Obama dhe Michelle Obama, dërguan një mesazh duke thënë se vendimi i djeshëm ishte një hap përpara por theksuan se drejtësia e vërtetë kërkon shumë më shumë.
Vendimi konsiderohet një fitore për sistemin e drejtësisë, i cili deri tani ka mbështetur dhe mbrojtur oficerët e policisë në të gjitha rastet.
Momenti i shpalljes fajtor të ish-oficerit të policisë së Minneapolis, Derek Chauvin është pritur me lumturi të madhe nga të gjitha anëtarët e familjes së afro-amerikanit George Floyd.
Pas kësaj, familjarët e tani të të ndjerit, Floyd, janë entuziazmuar për shpalljen e këtij vendimi.
Vëllai I tij Philonise Floyd u shpreh se tanimë ata mund të marrin frymë lirisht por theksoi se ende ka shumë gjëra për ty bërë.
"Ne duhet të kuptojmë se duhet të marshojmë gjithmonë. Ne duhet ta bëjmë këtë përjetë. Ne duhet të vazhdojmë të protestojmë sepse duket si një cikël që nuk merr fund kurrë. Unë nuk po luftoj më thjesht për George. Po luftoj për çdo kënd në botë”, tha Philonise.
Ai u shpall fajtor për vrasje të shkallës së dytë në vdekjen e George Floyd në maj të vitit 2020.
Dënimi maksimal për vrasje të paqëllimshme të shkallës së dytë është burgimi jo më shumë se 40 vjet.
Lajme të tjera
-
SHBA bllokon nismën për anëtarësimin e territoreve palestineze në OKB
19 Prill, 07:48 -
Skandal bastesh në NBA, basketbollisti përjashtohet përjetë
18 Prill, 19:30 -
Dhoma e Përfaqësuesve voton këtë javë për ndihmën për Ukrainën dhe Izraelin
18 Prill, 09:33 -
Sondazhi i Gallup: Vazhdon të bjerë besimi tek institucionet amerikane
17 Prill, 16:27 -
Meta sulmon sërish Dumanin: Më ke çuar njerëz që të iki nga Shqipëria! SHBA të ka thënë më fut në burg, nga qelia do e shkrij atë celulë kriminale
17 Prill, 11:13 -
SHBA, BE dhe Britania dënojnë sulmet e Metës ndaj kreut të SPAK: Krah drejtësisë, mbështesim ata që do t’i japin fund pandëshkueshmërisë
17 Prill, 08:43 -
Sulmi ndaj Izraelit, SHBA dhe BE gati sanksionet e reja ndaj Iranit! Blinken bisedë me kryeministrin e Katarit: Duhet shmangur përshkallëzimi
17 Prill, 08:04 -
SHBA/ Kongresi dërgon në Senat akuzat për shkarkimin e Sekretarit të Sigurisë Kombëtare, detyrojnë zhvillimin e një gjyqi
17 Prill, 07:31 -
Komisioni i Senatit miraton kandidaturën e ambasadorit të ri amerikan në Shqipëri, David J. Kostelancik
16 Prill, 20:52 -
Gjykata e Lartë shqyrton vlefshmërinë e një prej akuzave të 6 janarit
16 Prill, 18:18 -
NASA: Objekti që goditi një shtëpi në Florida erdhi nga Stacioni Hapësinor
16 Prill, 11:16 -
Pse disa vende arabe po e ndihmojnë Izraelin kundër Iranit?
16 Prill, 08:53
