Drejtori iu merr rojeve çelësat e shkollës dhe jep urdhër: Nëse materialet hyjnë brenda, ndërhyni me forcë dhe digjini

PD dhe LSI pas përplasjes me policinë në disa KZAZ, vazhdon të thurë plane për të bllokuar qendrat e votimit në 30 qershor. Ditën e sotme burime të sigurta nga Bashkia Kavajë kanë konfirmuar se Eris Xhihani, drejtor i arsimit parashkollor në varësi të bashkisë Kavajë, ka marrë çelsat e shkollës nga rojet, për të mos lejuar materialet zgjedhore të futen brenda.

Burimet nga kjo bashki bëjnë me dije se urdhri i prerë është që të ndërrohen drynët e portave që të mos lejohet askush të futet brenda. Po sipas të njëjtave burimeve, urdhri është që nëse materialet hyjnë në shkollë, militantët duhet të hyjnë me forcë dhe t’I djegin e shkatërrojnë, duke çuar kështu në shkelje të rëndë ligjore.

Kujtojmë që bashkitë që drejtohen nga PD-LSI po thurin të gjitha plane të tilla anti-ligjore për bllokimin e procesit. Nëse këto plane do të vihen në zbatim , të gjithë të përfshirët do të marrin dënimet sipas Kodit Penal, që ju heq të drejtën e daljes jashtë vendit dhe i dënon deri në 5 vjet burg.


Lajmi kryesor:

PD-ja i vendos zjarrin me molotov KZAZ-së në Bushat, digjen materialet e zgjedhjeve, plagosen tre policë (VIDEO)


m.v./Shqiptarja.com
  • Sondazhi i ditës:

    A e zgjidh situatën pas tërmetit një Ministri për Rindërtimin?