Duka konfirmon qëndrimin e Rejës dhe i dërgon mesazh: Fito dy ndeshjet e nëntorit! Kampionati do të luhet, politika nuk ka pasur plan për sportin (VIDEO)

Presidenti i FSHF-së Armand Duka hedh poshtë zërat për një largim të mundshëm të teknikut të Kombëtares por i dërgon atij një mesazh të qartë se do dy fitore në ndeshjet e nëntorit dhe vendin e parë në grupin e Ligës së Kombeve. Dy barazimet në dy ndeshjet e fundit në Ligën e Kombeve bën që të ketë pakënaqësi për teknikun italian por Duka është i bindur në punën e 75- vjeçarit. Presidenti vlerëson të rinjtë që luajtën ndaj Kazakistanit dhe Lituanisë dhe thotë:

“Nuk ka asnjë plan rezervë për Edi Rejën dhe trajneri do të vijojë punën. Steka e Kombëtares është rritur dhe tashmë nuk kënaqemi më me humbje 1-0 por duam dy fitore në ndeshjet e nëntorit dhe ta mbyllin në vend të parë grupin tonë në Ligën e Kombeve”, tha Duka.

 Duka thotë se politika nuk ka pasur asnjë plan për sportin dhe sheh si zgjidhje ligjin e sponsorizimeve. Kreu i futbollit në vend gjatë një vizite që pati në Universitetin e Sporteve nuk ka dashur të flasë për bojkotin e kampionatit por ka thënë se kampionati patjetër që do të luhet./Përgatiti Andi Kapxhiu

/b.ha./Shqiptarja.com

TAG:
• Armand Duka
• Edy reja