‘Dukesh e shëndoshë’, Kiara Tito i përgjigjet ndjekësit: Kam sjell në jetë një princeshë, mua më pëlqejnë këto kile

Moderatorja Kiara Tito këtë sezon do të vijë me një emision ndryshe nga ajo që ka bërë deri dje. Pas këtij zbulimi, ajo ka vendosur që të bëjë një ask me ndjekësit në Instagram, duke i lënë të lirë ta pyesin për çdo gjë.

Një prej tyre, kishte të bënte me dukjen e Kiarës në promo, madje ndjekësi e cilësoi edhe si ‘të shëndoshë’.

”Pse nuk zgjodhe diçka tjetër në promo dukeshe super e shëndosh? Diçka të zezë pshm”, tha ndjekësi.

LEXO EDHE:
‘Faleminderit Zot’, Luiz Ejlli ndan videon e ëmbël me vajzën e tij, ja sa është rritur Luna

Ndërkohë, moderatorja nuk ka nguruar që ti kthejë përgjigje duke thënë se kilet që ka marr pas shtatëzanis i pëlqejnë.

“Sigurisht që mund të vishja diçka për të kamufluar kilet e lindjes, në dorë e kisha por të fundit të fundit pse? A nuk duhet ta pranojmë veten si jemi? Kjo është shumë normale dhe as nuk më sikletos fare.

Doja ta jepja këtë mesazh për gjithë nënat e reja që mërziten me trupin e tyre dhe nuk i japin kohën e duhur për t’u kthyer si ishte më parë. Kam 4 muaj që kam sjell në jetë një princeshë dhe me gjithë respektin nuk më intereson fare se sa kile kam marrë apo nëse dukem e ‘shëndosh,’ që është term shumë i gabuar për një nënë të re.

Nuk e di nëse je bërë nënë, por trupi do pak kohë të rikthehet në formën siç ishte para lindjes, deri atëherë të kemi shëndetin se çdo gjë tjetër rregullohet. Ps: Mua më pëlqejnë këto kile”, shkruan ajo.

S.B/Shqiptarja.com

TAG:
• kiara tito