Duro në prag të takimit me Partizanin: S'kemi kohë të mjaftueshme, Shametin nuk e largova unë

Të premten do të nisë zyrtarisht edicioni i 80 i Superligës me supersfidën Kukësi-Partizani, i njëjti takim që të dielën përcaktoi edhe fituesin e Superkupës. Nga ai 90 minutësh Kukësi doli i humbur pasi, sipas trajnerit Duro, skuadra nuk kishte kohën e nevojshme për t’u përgatitur.

“Skuadra do kohën dhe momentin e duhur, por nuk kemi çfarë të bëjmë. Me këto kushte jemi të detyruar të përballojmë ndeshjen dhe të marim pikët e para. Kukësi do të jetë I fortë gjatë gjithë kampionatit, por është armik ajo koha e shkurtër që kishim në dispozicion.”

I pyetur për objektivin që ka në ndeshjen hapëse po kundër Partizanit Duro përgjigjet:

“Të bëjmë një ndeshje të mirë, të marim rezultat pozitiv, por kampionati është i gjatë, nuk është një ndeshje me 90 minuta.”

Duro më tej komentoi edhe largimin e Shametit, pasi ky i fundit thumboi trajnerin aktual të Kukësit pas Superkupës.

“Asnjëherë nuk kam thënë se Shametin nuk e dua një skuadër. Kam patur një takim më presidentin ku i kam thënë nëse ai është 100% ai është një forcë e madhe, një ikonë e klubit. Pse duhet unë tani të rrija të kërkoja mbrojtsa.”

Ne.k./Shqiptarja.com

TAG:
• partizani
• superliga