Ekspertët izraelitë: I keni ndërtuar shtëpitë gabim...Ja si duhet t'i vendosni tullat! Kini besim tek ne

Deri më tani kemi ndërtuar gabim, e këtë na e thonë izraelitët.

"I kanë vendosur tullat gabim, në një pjesë të madhe të objekteve që kemi inspektuar. Qytetarët duhet të përdorin shkumën për të siguruar apartamentet e tyre. Kjo e bën tullën më stabël. Është e rëndësishme për të mbyllur hapësirën mes tullave, nëse ka".

Kështu shprehet kolonel Golan Vach, eksperti izraelit që ndodhet me grupet e huaja të inspektimit në Durrës për të vlerësuar dëmet në objektet e dëmtuara nga tërmeti. Vach tha se në ndërtimin e mureve, përveç brezave ka rëndësi dhe vendosja e tullave me vrima, e cila duhet bërë gjatësore, jo horizontale, në mënyrë që të mbushen me llaç dhe t’i qëndrojnë goditjeve sizmike.

Nëse ata e thonë fjalën e fundit, shqiptarët duhet të kenë besim!

"Unë mund të vij të jetoj në këtë apartament bashkë me fëmijët e mi. Kur themi ka siguri, ka siguri; nëse them do ndërtojmë do ndërtojmë; kur muret janë shumë të dëmtuara prishen. Disa prej dëmeve janë të riparueshme. Mund të përforcohet muri, edhe nëse ka përplasje; dëmet janë një sfidë por realizohen" tha koloneli izraelit.

Ekspertët izraelitë janë duke kryer inspektime në Durrës, ku po bëhet një prezantim i metodologjisë së rindërtimit të godinave të dëmtuara nga ekipi i ushtrisë izraelite. Bashkë me grupin izraelit janë edhe punëtorët e bashkisë Durrës.

Lajmi kryesor:

MOBILIZIM/ Basha i jep fund 'armëpushimit' dhe rikthehet tek akuzat për Ramën: Dështoi me menaxhimin e tërmetit

/G.M./Shqiptarja.com

TAG:
• Ilir Meta
• termet me viktima ne Shqiperi