Durrsakët kufizojnë lëvizjet edhe në oraret e lejuara, në rrugë me masa mbrojtëse

Më në fund një situatë e qetë në qytetin e Durrësit edhe pse në orarin e lëvizjes. Duket se qytetarët tashmë janë bindur dhe ndërgjegjësuar të qëndrojnë në shtëpi duke respektuar masat e vendosura nga qeveria. Të paktë janë qytetarët të cilët kanë dalë për të kryer shërbimet që ju nevojiten për familjet e tyre dhe duket që kanë marrë edhe masat mbrojtëse.

Vihet re që prania e punonjësve të policisë është kudo në çdo hyrje, si në tregun e qytetit ashtu edhe në dyqanet ushqimorë apo dhe institucione të tjera. Ata shprehen që dita e sotme në krahasim me ditët e tjera ka qenë më e qetë dhe se nuk ka patur dyndje qytetarësh ndërkohë që kryenin shërbimet e nevojshme.

Lajmi kryesor:

12 ditë karantinë/ Qytetarët sërish të pandërgjegjshëm për të ruajtur distancën (VËZHGIMI)

Ne.k./r.k./Shqiptarja.com

TAG:
• Durres
• koronavirusi ne shqiperi