Dy minj që grinden për disa thërrime në stacionin e metrosë, fotografia fiton çmimin prestigjioz

Pamja e dy minjve që po grinden për disa thërrime të mbetura në stacionin nëntokësor në mbrëmje në Londër është për shumë njerëz, një tipar i padëshiruar i jetës në qytet, por shumë I vërtetë.

Fotoja “Station Squabble" i Sam Rowley është zgjedhur e para nga më shumë se 48 mijë  imazhe për çmimin e fotografisë  së kafshëve të egra nga “Muzeu i Historisë Natyrore në Londër”.

"Të gjithë e dinë për minjtë në nëntokë, por unë nuk mendoj se dikush i ka parë ato në atë dritë më parë", tha Rowley, një studiues 25-vjeçar në BBC, për CNN.

 

 

 Një grup drerësh në Arktik, Francis De Andres

Ai pranoi që mori një pjesë të vogël të "pamjeve të çuditshme" nga udhëtarët ndërsa qëndronte në stacione të ndryshme qendrore në Londër.

"Njerëzit ishin mjaft kuriozë, ata ishin mjaft të ngathët dhe të këndshëm për të gjitha gjërat", është shprehur ai.

Përveç fotos së Rowley, 4 të tjera u vlerësuan pas tij, përfshirë një imazh të një orangutani të detyruar të marrë pjesë në një shfaqje në Bangkok, një tjetër nga dy xhaguarë që mbajnë një anakonda në Brazil, një imazh i një majmuni me doreza boksi në Kenia dhe një foto të një grupi drerësh arktikë të bardhë.

Fotoja, Dy xhaguarë mbajnë një gjarpër në Brazil

Roëley, një fotograf gjysmë profesional, pasi realizoi foton e minjve, kaloi rreth një javë duke vizituar platformat e stacioneve në mbrëmje, duke qëndruar deri në orët e para të mëngjesit.

"Unë u zhgënjeva me atë që arrita të marr në fillim",  tha ai.

"Me shumicën e botës që jeton në zona urbane dhe qytete, ju duhet të tregoni historinë se si njerëzit lidhen me jetën e egër.

Jeta e egër është fantastike dhe unë mendoj se duhet të vlerësojmë kafshët më të vogla dhe gjoja më të vështira për të jetuar", është shprehur ai.

Vrapuesi dhe rinoceronti në Kenia

Michael Dixon, drejtori i Muzeut të Historisë Natyrore, tha se imazhi i minjve të zhurmshëm ofron një pamje interesante se si funksionon jeta e egër në një mjedis të mbizotëruar nga njerëzit.

"Sjellja e minjve është skalitur nga rutina jonë e përditshme, transporti që përdorim dhe ushqimi që hedhim.

Ky imazh na kujton se ndërsa ne mund të bredhim pas saj çdo ditë, njerëzit janë të ndërthurur në mënyrë të natyrshme me natyrën që është në pragun tonë, shpresoj se frymëzon njerëzit që të mendojnë dhe të vlerësojnë më shumë këtë marrëdhënie", ka thënë ai.

“Humbja e ndeshjes” nga Aaron Gekoski

TAG:
• fotografi
• Çmimi
• miu