Dy shqiptarë ndërtojnë fabrikën me kanabis brenda shtëpisë, reagimi i policisë angleze: ”WOW”

Kur policia angleze u fut në një shtëpi, mbeti e befasuar nga ajo çfarë gjetën brenda.

Dy shqiptarë u arrestuan nga policia angleze, pasi kujdeseshin për më shumë se 300 bimë kanabisi, në një shtëpi që ishte marrë me qira nga dy shtetas misteriozë.

I gjithë momenti i bastisjes së shtëpisë është fiksuar nga kamerat e trupit të policisë angleze, të cilët kanë ngelur të habitur duke thënë ”Wow”.

Gjatë aksionit të policisë angleze, si fillim u vu në pranga Bekim Selmani, 27-vjeç, i cili po kujdesej për bimët narkotike në dhomën e gjumit.

Në një dhomë tjetër, u bë edhe arrestimi i Pashko Palucës.

Pashku nuk ka pranuar që të flasë para hetuesve anglezë, ndërsa 27-vjeçari tjetër, Bekim Selmani, është treguar i gatshëm për dhënë detaje për fitimin që do të merrnin nga shitja e kanabisit.

Sipas Selmanit, në momentin që droga do të dilte në treg, të dy do të fitonin 5 mijë deri në 6 mijë paund.

Mediat britanike raportojnë se Selmani hyri në vend përmes Belgjikës.

Avokati i 27-vjeçarit Bekim Selmanit, tha në gjyq se klienti i tij kishte ardhur në Britani, për të ndihmuar nënën e tij, për të paguar trajtimin, pasi vuante nga kanceri.

Gjykata angleze, i dënoi ata me nga dy vite burg.

TAG:
• Arrestime
• bekim selmani
• pashko paluca