E moshuara shkoi ta takonte në burg, ish-bodigardi i Berishës denoncon: Gardianet e bënë për spital

E moshuara shkoi ta takonte në burg, ish-bodigardi i Berishës denoncon: Gardianet e bënë për spital

Izet Haxhia

Ish-bodigardi i Sali Berishës, Izet Haxhia nga qelia e burgut 302 në Tiranë ku ndodhet pas ekstradimit nga Turqia denoncon në faqen e tij në Facebook se ndaj një të afërmes së tij 66 vjeçe është ushtruar kontroll nga dy gardiane në tejkalim të procedurave.

Sipas tij, të moshuarën që shkonte ta takonte në emër të së dashurës së tij, e kanë zhveshur, ndërsa shkon edhe më tej duke e cilësuar ngjarjen si agresion seksual. Haxhia thotë se gjithçka është bërë me qellim, pasi dy gardianet janë nga Tropoja dhe të betuara të Berishës, ndërsa betohet se nëse nuk merren masa ndaj tyre do të futet në grevë urie.

Një e moshuar, e afërmja ime, 66 vjeç, e urtë dhe pa asnjë mbrojtje nga të fortët, erdhi sot të më sillte në burg një batanije dhe ca byrekë e mollë! Në burg, ka gardiane femra tropojane dhe të stërbetuara të Berishës, dhe veglave te tij, si Ismet Haxhiaj! Këtë plakë, e kanë zhveshur, dhe i kanë futur duart nëpër organet gjenitale, lakuriq komplet! Është në spital në gjendje shoku!

Do të bëj ankesat ligjore nëpërmjet avokatit, mediave, ministrisë së drejtorisë së përgjithshme të burgjeve, etj! Dhe në fund, kam vendosur që nqs nuk nxirren emrat e atyre 2 gardianeve që kanë agresuar seksualisht një grua të vetme 66 vjecare, dhe nuk merren masa dënimi për këtë krim, do hyj në grevë urie deri në vdekje! Por e moshuara në fjalë, është fillikat, vinte në emër të Erjonës, pa asnjë mbrojtje, dhe komplet njeri pa njeri!!!

Izet Haxhia

Izet Haxhia ndodhet në burg, në pritje të apelimit të dënimit në mungesë në 25 vite burg për vrasjen e Azem Hajdarit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen