POP 5

Lajmet më të lexuara të 5 minutave të fundit

Sport

E para për 2023, trajneri i Flamurtarit: Nuk e di si shkon sfida me Apoloninë por sezonin e ardhshëm do jemi në Superligë

Të shtunën përballë Apolonisë Flamurtari luan ndeshjen e parë për vitin 2023 dhe trajneri Troisi thotë se sido që të shkojë rezultati vlonjatët sezonin e ardhshëm do jenë në Superligë. Ndërkohë në Superligë Kastrioti do ketë të dielën një ndeshje delikate për fundin e tabelës kundër Bylisit.

Kategoria e Parë e futbollit në vend luan këtë të shtunë ndeshjet e para për vitin 2023, ndërsa menjëherë Flamurtari do ketë një përballje të vështirë në Fier kundër Apolonisë. Vlonjatët pas 12 javësh kampionat janë në vendin e dytë me 22 pikë, 2 më pak se Dinamo kryesuese dhe për rrjedhojë në transfertë kanë objektiv vetëm 3 pikët.

“Objektivat nuk do të ndryshojmë sepse Flamurtari është më i fortë se vitin e kaluar. Rezultatin për sfidën me Apoloninë do ta përcaktojë fusha, por dua të them me siguri që Flamurtari sezonin e ardhshëm do rikthehet në Superligë. Sa i takon blerjeve të reja janë stërvitur me grupin, por nuk janë ende në formën më të mirë,”-u shpreh Marcelo Troisi, trajner i Flamurtarit.

Sakaq po në orën 13:00 Dinamo e vendit të parë do të presë Luzin në ‘Selman Stërmasi’.

Ndërkohë të dielën nis java e 19 e Superligës, me Kastiotin e vendit të parafundit që udhëton në transfertë për t’u përballur me Bylisin e vendit të tetë. Rezultati në këtë sfidë përcakton shumë për vendet e fundit në renditje.

“Luajmë ndaj një kundërshtari direkt dhe duhet të vendosim pak në dukje shpirtin e garës. Me përqëndrimin e duhur besoj se do shkojë mirë në Ballsh,”-tha Adolf Selmani, futbollist i Kastriotit.

Sfida tjetër e së dielës do jetë në Kukës Arena mes verilindorëve dhe Tiranës kryesuese.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?

Lajme të tjera



×

Lajmi i fundit

​​​​​​​Armina Mevlani merr në mbrojtje Oltën: Është shumë e zgjuar dhe e dashur, po bën lojë

​​​​​​​Armina Mevlani merr në mbrojtje Oltën: Është shumë e zgjuar dhe e dashur, po bën lojë

22 Mars, 16:57