E pazakontë / Ekip mjekësor për të vizituar gjyqtarin që pretendon se është sëmurë në spital, dyshime se shtiret për t’i shpëtuar shkarkimit

E pazakontë / Ekip mjekësor për të vizituar gjyqtarin që pretendon se është sëmurë në spital, dyshime se shtiret për t’i shpëtuar shkarkimit

Komisionet e Vetingut do të vijojnë veprimtarinë për verifikimin e gjyqtarëve dhe prokurorëve, ndonëse institucionet publike po mbyllin dyert, në kuadër të masave kundër koronavirusit, i njohur si Covid-19. Komisioni i Pavarur i Kualifikimit zhvilloi sot një seancës dëgjimore të pazakontë, ku e pranishme ishte vetëm trupa gjykuese. Seanca ishte planifikuar për të njohur gjyqtarin e Apelit në Vlorë Petrit Aliajn, por ky i fundit nuk u paraqit. Në vend të paraqitjes, gjyqtari i kishte dërguar një raport trupi gjykues, ku pretendonte se ishte sëmurë, madje i shtuar në spital. Kjo është seanca e tretë që dështon për Petrit Aliaj. Edhe në seancën e kaluar, gjyqtari ka paraqitur një tjetër raport sikur është sëmurë. Në këto rrethana, KPK-ja i ka kërkuar gjyqtarit që të përfaqësohet me avokat, por ai nuk ka pranuar.

Komisioni i Vetingut ka dyshime të forta mbi vërtetësinë e gjendjes mjekësore të gjyqtarit Petrit Aliaj. Në këto kushte, Komisioni do t’i kërkojë Këshillit të Lartë Gjyqësorë që të ngre një ekip, në bashkëpunim me Ministrinë e Shëndetësisë, për të ekzaminuar gjendjen e gjyqtarit Petrit Aliaj. Në të njëjtën kohë, Komisioni i Pavarur i Kualifikimit do t’i kërkojë Ministrisë së Shëndetësisë të hetojë vërtetësinë e raporteve shëndetësore të Petrit Aliajt. Raportet mjekësore janë një manovër e përdorur masivisht nga njerëzit e drejtësisë për të shtyrë përballjen e tyre me Vetingun si dhe për të futur procesin në kurthe procedurale.

Po kush është Petrit Aliaj? Aliaj e ka nisur karrierën në drejtësi 25 vite më parë. Petrit Aliaj është shkarkuar në vitin 2004 nga Këshilli i Lartë i Drejtësisë për kryerjen e veprimeve që vijnë në kundërshtim me përmbushjen e rregullt të detyrës. Por, dy vjet më vonë, Gjykata e Lartë e riktheu në detyrë. Më 28 shator të 2015, Ministria e Drejtësisë, bazuar në dosjen e ILDKP, i kërkoi Këshillit të Lartë të Drejtësisë shkarkimin e gjyqtarit. KLD, në mbledhjen e 10 shkurtit të 2017, vendosi rrëzimin e kërkesës, ndërsa dosja e ILDKP është mbyllur nga prokuroria. Ndërkaq, Prokuroria e Krimeve të Rënda, gjatë hetimit pasuror të Klement Balilit, i njohur edhe si ‘Eskobari i Balllanit’, i dënuar me 10 vjet burg për trafik droge, nxori në skenë edhe gjyqtarin Aliaj. Ky i fundit ishte paguar në vitin 2005 me 47 mijë dollarë nga vëllezërit Balili, si konsulent ligjor i tyre. Petrit Aliaj ka ende një llogari të hapur me drejtësinë, pasi ka marrë pjesë edhe në gjyqin, ku pranua kërkesa për gjykim të shkurtuar të Dritan Dajtit, duke e shpëtuar atë automatikisht nga burgimi i përjetshëm. Prokuroria kërkoi pushimin e çështjes, por Gjykata e Posaçme për Korrupsionin dhe Krimin e Organizuar e rrëzoi kërkesën e Prokurorisë së Posaçme.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • lulja: 12/03/2020 09:00

    po c sabotim leshei ore...shkarkoje nga detyra dhe shife si do ngrihet me vrap te ankimin ne kpa. Po ju te kpk-se jeni bere KÇK, e keni kthy si mbledhje partie. pastaj hajduterine qe ke bere gjate viteve te ushtrimit te profesionit, se bllokonn dot korona...ah medet ku jeni katandis !!!

    Përgjigju
  • aaa: 11/03/2020 16:21

    Vetem te jesh budalla qe te mos maresh masa.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet