E rëndë në Kosovë, trupi i pajetë i efektives së policisë gjendet pranë varrezave të Gjilanit

Foto ilustruese

Një trup i pajetë është gjetur këtë mbrëmje në Gjilan pranë varrezave të qytetit. Mësohet nga mediat vendase se viktima dyshohet të jetë një efektive policie.

Shkaqet dhe rrethanat e ngjarjes mbeten ende të paqarta, ndërsa kanë nisur hetimet nga autoritetet. Rasti në fjalë është konfirmuar nga zëdhënësi i Policisë për Rajonin e Gjilanit, Ismet Hashani.

Sipas raportimeve, pranë trupit të viktimës është gjetur dhe një armë zjarri.

“Policia e Kosovës është njoftuar se në varrezat e qytetit në Gjilan është një person që dyshohet se është pa shenja jete. Njësitë tona kanë dalë në vendin e ngjarjes dhe mjeku kujdestar e ka konfirmuar vdekjen e një personi të gjinisë femërore. Personi i vdekur është zyrtare policore. Për momentin, rasti nga hetuesit është duke u cilësuar si vdekje e dyshimtë”, ka thënë Hashani.

 

M.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Katër vrasjet në bulevard, a është bërë drejtësi për 21 janarin?



×

Lajmi i fundit

John

Refuzuan të vaksinohen, pezullohen nga detyra rreth 2 mijë mjekë dhe dentistë në Itali