Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të

Ekonomia Shqiptare konfirmohet si një ekonomi me perspektivë të qëndrueshme nga “Moddys”, agjencia ndërkombëtare e Vlerësimit të Krediblitetit. Sipas agjencisë vlerësohet pozitive rimëkëmbja e ekonomisë pas pandemisë. Ekonomia shqiptare vlerësohet nga agjencia ndërkombëtare e vlerësimit të kredibilitetit Moddy’s, me “B1, e thënë ndryshe me perspektivë të qëndrueshme”.

Agjencia vlerëson se rimëkëmbja ekonomike pas pandemisë ishte e fortë dhe Produkti i Brendshëm Bruto (PBB) arriti nivelet e para-pandemisë që në vitin 2021. Barra e borxhit të qeverisë, pasi u rrit ndjeshëm në 74.5 % të PBB-së në vitin 2020, rifilloi trajektoren e saj rënëse në vitin 2021.

Lidhur me sektorin bankar të Shqipërisë dhe rreziqet e likuiditetit të qeverisë, pritshmëritë e Agjencisë janë se ato do të mbeten të përmbajtura.

Pas një ngadalësimi të rritjes reale të PBB-së në 2.1% në 2019, krahasuar me një normë mesatare rritjeje prej 3.0 % gjatë pesë viteve të mëparshme (2014-2018), shpërthimi i koronavirusit ndikoi rëndë në përformancën ekonomike në vitin 2020.

Megjithatë, stabiliteti makroekonomik u ruajt. Tkurrja ekonomike gjatë 2020 ishte më e butë (me recension prej 3.5%) dhe rimëkëmbja në 2021 më e fortë se sa pritej fillimisht (me rritje reale prej 8.5%).

Agjencia parashikon një ngadalësim të rritjes së PBB-së në 3.0% në 2022 dhe 1.8% në 2023. Agjencia vlerëson hapjen formale të negociatave të anëtarësimit me BE në avantazh të Shqipërisë, sepse do të nxisë zbatimin e reformës, e cila do të mbështesë fuqinë e saj institucionale dhe do përmirësojë klimën e biznesit.

Sa i takon rreziqeve, ato lidhen me importet e energjisë elektrike të varura nga  moti, detyrimet që rrjedhin nga sektori energjetik, nga zgjidhja e kërkesave për kthimin e pronave apo nga rritja e financimeve jashtë buxhetore në formën e partneriteteve publike private që janë përdorur si instrument për rritjen e investimeve publike.

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Debati për ish-agjentin e FBI, sipas jush kush ka të drejtë?



×

Lajmi i fundit

Gafa e Kumbullës i hapi rrugën eliminimit të Romës, në Itali 'kryqëzojnë' shqiptarin

Gafa e Kumbullës i hapi rrugën eliminimit të Romës, në Itali 'kryqëzojnë' shqiptarin