EKSKLUZIVE/ Ish-burri hyn nga dritarja dhe djeg me qumësht gruan në sy të 2 fëmijëve...Tenton ta mbysë me jorgan në spital dhe hidhet nga kati i tretë (VIDEO)

TIRANË -  "Ai tani është brenda, nuk kam më frikë...!" Këto fjalë thotë mes lotësh një grua me historinë e trishtë me një ish-bashkëshort të dhunshëm, i panxënë edhe pse i ka provuar qelitë e burgut për disa herë me radhë për të njëjtën akuzë, dhunën në familje. Gruaja me inicialet D.S, besonte se ai tashmë ka ndryshuar dhe me zemrën e një nëne e lejoi ish-bashkëshortin e dalë nga burgu vetëm dy muaj më parë, të takonte dy fëmijët e tyre, djalin dhe vajzën e madhe, 7 vjeç. Ajo ishte shtatzënë kur u ndanë 4 vite më parë. Djali nuk e kishte njohur të atin, i cili që pas lindjes së tij ka qenë burgjeve për dhunën ndaj ish-bashkëshortes. Këtë radhë, ajo vendosi t'i besojë duke i ofruar mundësinë të birit të njohë babanë e tij. Por ish-bashkëshorti, B.Balla nga Librazhdi, me të mësuar shtëpinë e re ku jetonte ish-gruaja e tij me fëmijët dhe me nënën e saj, në orën 02:00 të mëngjesit të kësaj të marte, i ka hyrë nga dritarja në katin e dytë, dhe ka nisur ta dhunojë sërish bashkëshorten. Ka fikur dritat dhe ka marrë tenxheren me qumështin e sapo valuar dhe ia ka hedhur në fytyrë teksa ish-bashkëshortja ishte me fëmijët në dhomën e gjumit. Një skenë e tmerrshme për dy të miturit, që kurrsesi nuk do të kishin zgjedhur ta kishin njohur të atin në të tilla rrethana: Duke dhunuar nënën e tyre!

Shqiptarja.com mëson ekskluzivisht detajet e kësaj historie të trishtë, që tashmë ka përfunduar me prangosjen e ish-bashkëshortit të dhunshëm, ndërsa zonja ndodhet në spital duke marrë mjekim. Më shumë sesa ilaçe për të qetësuar dhimbjen, D.S ka nevojë të gjejë qetësi për veten dhe të sigurohet se fëmijët e saj janë mirë.

"Denoncimin e kam bërë në orën 02:30 të mëngjesit. Ka ardhur në banesë në orën 02:00, deri në orën 02:30 ishte ngrohur qumështi. Ka fikur dritat dhe ka ardhur ma hodhi në dhomën e fëmijëve, tek dhoma e gjumit. Isha edhe me mamin tim në një dhomë tjetër. Donte që ne të bashkoheshim, unë nuk e doja, nuk e toleroja dot më atë gjë. Sepse e di se kush është, e di se sa i keq është. Ka qenë në burg shumë herë. Tre herë ka qenë vetëm për dhunë në familje. Jemi divorcuar para 4 vitesh. Ka dy muaj që ka dalë nga burgu për dhunë në familje. E dija që do dilte tani, por problemi është që më tha, dakord, vetëm të takoj ndonjëherë fëmijët, edhe nuk të luaj, bëj çfarë të duash me jetën tënde. Kjo gjë më pati bindur. Nuk i lejohej me vendim gjykate të takonte fëmijët, por doja thjesht ta lija unë se çunin nuk e ka njohur fare. Jam ndarë shtatzënë, çuni është katër vjeç sot, vajza është 7 vjeçe. Veç fëmija ta dinë se kush është i ati. Ai kishte ardhur, sa mësoi shtëpinë dhe më hyri në kat të dytë, nga dritarja, natën", tregon D.S për Shqiptarja.com në këtë rrëfim të vështirë për të.

Pasi është larguar nga banesa, D.S është shtruar në spital ndërsa nuk ka nguruar të bëjë kallëzim në polici për ish-bashkëshortin e saj. Ngjarja bëhet edhe më tragjike, pasi ish-burri, B.Balla i ka shkuar edhe në dhomë në spital, duke tentuar ta mbysë me jorgan. Ka qenë një fat që D.S është gjallë dhe mirë, dhe tashmë e ka kaluar çdo rrezik.

"Ka ardhur, më ka qëlluar, më duket se kishte edhe thikë me vete dhe tentoi të më mbyste me jorganin. Kisha një vajzë në dhomë, i thash ik të lutem, thirri të tjerëve, sepse po vjen ish-bashkëshorti, lajmëroni policinë. Ajo iku doli, ai erdhi me vrap. Iku pas erdhën vajzat, infermierët doktori dhe të gjithë, u hodh nga kati i tretë", tregon ajo.

Më ka ngrirë i gjithë trupi, thotë mes lotësh gruaja, teksa ende nuk e ka kaluar këtë situatë të vështirë, për të cilën tashmë shpreson se nuk do të jetë më e rrezikuar. Shqiptarja.com u interesua pranë policisë. Pas denoncimit të gruas, efektivët e policisë kanë kërkuar gjatë gjithë natës derisa në orën 10:00 të mëngjesit kanë bërë të mundur arrestimin e dhunuesit.

B.Balla ndodhet në paraburgim dhe pritet të dalë para gjykatës për t'u njohur me masën e sigurisë që do të merret ndaj tij.

Të shumta janë gratë që zgjedhin të heshtin përballë dhunës së bashkëshortëve, apo në rastin më të keq edhe nga burra që kanë zgjedhur t'i nxjerrin nga jeta e tyre duke u divorcuar. Por D.S ka zgjedhur të flasë e të ndërgjegjësojë kështu edhe shumë të tjera, që si ajo, kanë pasur fatin e keq të lidhin jetën me persona që dashurinë e kanë kthyer në dhunë.

D.S tashmë ndihet e sigurt.  "Ai është brenda nuk kam më frikë", thotë ajo.

Gruaja e dhunuar me qumësht të përvëluar

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mimoza: 21/11/2019 07:09

    E trishtim. Dhe ta mendosh se ka shume femra shqiptare qe durojne ne heshtje dhunen ne familje.E pergezoj kete grua per guximin e saj per te denocuar dhunen dhe inkurajoj te gjitha ato gra qe nuk flasin qe te denoncojne sepse nuk ka asnje arsye qe te durojne dhunen nga askush.

    Përgjigju
  • Eri: 20/11/2019 10:29

    Kafshe nuk eshte, se edhe kafshet kane rregulla qe i respektojne, sidomos rregullat me femrat. Ky eshte nje mutacion gjenetik qe duhet te denohet maksimalisht per vrasje me paramendim te mbetur ne tentative. Edhe mos pranohen gjykimet e shkurtuara qe ju shkurtojne denimet se na u shpif. Jane bere femrat sikur jane tabela qitje. Injorante te medhenj keta dhunuesit!

    Përgjigju
    • lina: 20/11/2019 22:55

      Bishe mali.Ajo kur e njihte,si ishte,nuk duhej ta lejonte,ti shite femijet.

  • Lilo: 20/11/2019 03:33

    Kaf shë

    Përgjigju
  • hasani: 20/11/2019 00:20

    SHUME gabim,,,nuk rri dot me nje grua me zor,,..

    Përgjigju
  • KritikAbsolut: 19/11/2019 22:19

    Vareni more kafshen dhe bejeni shembull. Perpara se ta varni digjeni ti provoje dhe ky dhimbjet e djegies

    Përgjigju
  • Flori: 19/11/2019 20:56

    Futi plumin kti lloj mashkulli

    Përgjigju
    • Neta: 20/11/2019 11:29

      Kta tipa duhet te marin dnimin maksimal vetm njeri nuk mund ti thuhet

    • Agjenti: 19/11/2019 23:50

      Sa mire do ishte. Por kur ske shtet se kane problem ta perserisin kta plerat.

  • Sondazhi i ditës:

    Ilir Meta sulmon kreun e SPAK, si e vlerësoni?



×

Lajmi i fundit

Gjirokastër/ Nuk iu bind urdhrit të policisë, arrestohet 37-vjeçari, në automjet kishte 11 emigrantë

Gjirokastër/ Nuk iu bind urdhrit të policisë, arrestohet 37-vjeçari, në automjet kishte 11 emigrantë