POP 5

Lajmet më të lexuara të 5 minutave të fundit

Ekskluzive/Pa Gjurme 'hyn' në burgun e Amsterdamit, gjen vlonjatin e humbur! Shpërthejnë në lot, nënë e bir komunikojnë live

Pasditen e kësaj të enjte, ’Pa Gjurmë’ në Report Tv gjeti 26-vjeçarin vlonjat Enea Lekaj. I riu humbi kontaktet me familjen nga Holanda, më 31 maj të këtij viti. Pas investigimeve u mësua se i riu kishte përfunduar në burg me akuzën e shpërndarjes së lëndëve narkotike. Surpriza dhe emocione, teksa ’Pa Gjurmë’ realizon live komunikimin nënë e bir.

Gjendet vlonjati Enea Lekaj, emisioni ’Pa Gjurmë’ në Report TV zbuloi vendndodhjen e të riut në një burg të Amsterdamit. 26-vjeçari kishte ndërprerë kontaktet me familjen që prej datës 31 majit të këtij viti, ndërsa pas denoncimit bërë në program, nëna mëson se Enea ndodhej pas hekurave, por është shëndoshë e mirë. Ishte moderatorja Odeta Dume, ajo e cila do t’i komunikonte këtë lajm të mirë familjarëve. Emocione dhe lot gëzimi për Shero Lekajn, kur pas një përqafimi të ngrohtë nuk do e kishte besuar se me ardhjen e saj në studion e ’Pa Gjurmë’ do fliste të live pasditen e kësaj të enjte me të birin.

Shero Lekaj: Ju Odeta po me fshihni diçka, më tregoni çfarë ka ndodhur me tim bir?
Odeta Dume: Ne e kemi gjetur Enean. Ai është shëndoshë e mirë, por ndodhet pas hekurave. E kanë kapur me lëndë narkotike në Amsterdam.

E emocionuar nëna shpërtheu në lot, kur mësoi se është gjallë duke kërkuar çdo informacion që stafi kishte zbuluar për Enean. ‘Pa Gjurmë’ ishte lidhur me autoritetet në Holandë duke i mundësuar këtë komunikim live me Enean nga burgu.
Shero Lekaj: Alo!
Enea Lekaj: Alo!
Shero Lekaj: O zemër, o shpirti i mamit, a je mirë? Po qan? 
Enea Lekaj: Të dëgjoj nënë… jam mirë ( qan)
Enea Lekaj: Nuk më kanë lejuar për arsye të hetimeve, ndaj nuk kam mundur dot t’ju telefonoj.
Shero Lekaj: Mirë bir, gabimet rregullohen, njeriu po nuk gaboi nuk mëson asnjëherë
Enea Lekaj: Do të vish të më takosh? Hajde…nuk ka gjë, dyshime më shumë janë, janë kapur disa të tjerë…
Shero Lekaj: Do të vij mami në Holandë?
Enea Lekaj: Po mirë
Shero Lekaj: Do flasim prapë zemra mamit

Stafi i emisionit ’Pa Gjurmë’ fillimisht iu drejtua me një shkresë zyrtare Ambasadës Shqiptare në Holandë, nga ku pas përgjigjes së marr prej tyre, u zbulua vendndodhja e Eneas. Pas një investigimi të mëtejshëm u arrit që të mundësohej vënia në kontakt me autoritetet e burgut, duke mundësuar dhe lidhjen telefonike të 26-vjeçarit me nënën. Një bisedë që ndodhi në pak minuta, por që qetësoi zemrën e një nëne që rrahu fort kur i biri iu përgjigj nga ana tjetër e telefonit. 

Enea Lekaj, 26- vjeçari nga Vlora

I riu nga Vlora ndodhej në Holandë që prej muajit shtator të një viti më parë. Prej 5 muajve kishte mbetur i papunë, ndërsa i kishte skaduar edhe afati i qëndrimit 3-mujor. Kjo ishte hera e dytë për të riun vlonjat që emigronte drejt Holandës, vendin në të cilin gjithmonë kishte ëndrruar të jetonte.

 

O.D./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • refugjati: 23/06/2022 18:41

    me shum ka burgaxhinj shqiptare neper burgjet e europes per fryme se sa nga te gjith vendet e tjera. po pse zgjidhje esht ajo qe kur humb punen mersh me pislliqe? ka menyra te tjera o popull ...e pastaj kur kerrcet kallashi per prishje pazaresh fajin e ka qeverija. hajt ne te arushes te gjith ketyre gjasme viktimave te fukarallikut

    Përgjigju
  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Izraeli i kundërpërgjigjet Iranit, goditet një bazë ushtarake në Isfahan

Izraeli i kundërpërgjigjet Iranit, goditet një bazë ushtarake në Isfahan

19 Prill, 07:02