Ekspertë të NATO-së në Tiranë, rikonfirmojnë mbështetjen për Shqipërinë pas sulmeve kibernetike

Ekspertë të NATO-së në Tiranë, rikonfirmojnë mbështetjen për Shqipërinë pas sulmeve kibernetike

James Appathurai, zëvendësndihmëssekretar i Përgjithshëm i NATO dhe Niko Peleshi

Sulmi kibernetik i Iranit ndaj sistemeve dixhitale ka sjell në Tiranë një ekip të NATO-s, për asistuar qeverinë në nivel politik e teknik. Zyrtarët e NATO-s u takuan me ministrin shqiptar të Mbrojtjes Niko Peleshi.

Zëdhënësja e NATO-së Oana Lungescu, ka publikuar në rrjetet sociale takimin dhe ka konfirmuar edhe një herë mbëshetjen për aleancën për Shqipërinë.

Takimi i tyre u krye për të vlerësuar sulmin e fundit kibernetik ndaj infrastrukturës kombëtare të informacionit të Shqipërisë dhe për të diskutuar më tej mbështetjen e NATO-s.

‘Në Tiranë për të vlerësuar sulmin e fundit kibernetik ndaj Infrastrukturës kombëtare të informacionit të Shqipërisë dhe për të diskutuar mbështetjen e mëtejshme të NATO-s.’- shkruan zyrtarja e NATOS-s Oana Lungescu.

Ky takim vjen pas deklaratës së  Këshillit të Atlantikut të Veriut më 8 shtator që dënon aktivitetet dashakeqe kibernetike, të cilat Shqipëria dhe aleatët e tjerë i kanë atribuar qeverisë së Iranit. Të gjithë aleatët qëndrojnë në solidaritet me Shqipërinë dhe ekspertët kibernetikë të NATO-s dhe aleatëve po mbështesin homologët e tyre shqiptarë.  

Aleatët e NATO-s janë të përkushtuar të vazhdojnë të mbështesin njëri-tjetrin për të penguar, mbrojtur dhe kundërshtuar spektrin e plotë të kërcënimeve kibernetike, duke përfshirë marrjen në konsideratë të përgjigjeve të mundshme kolektive. Aleatët gjithashtu u kanë bërë thirrje të gjitha shteteve që të respektojnë angazhimet e tyre ndërkombëtare për të mbështetur një qasje të bazuar në norma ndaj hapësirës kibernetike. 

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A është Shqipëria në rrugën e duhur pas 110 viteve pavarësi?



×

Lajmi i fundit

Nikolla mesazh përshëndetës për Ditën e Çlirimit: Shqipëria evropiane i ka rrënjët në Shqipërinë antifashiste

Nikolla mesazh përshëndetës për Ditën e Çlirimit: Shqipëria evropiane i ka rrënjët në Shqipërinë antifashiste