Eksperti: Nuk ka shifër sesa familje preken! Zv.ministri tregon shifrat nga telefoni: Janë 39 mijë abonentë që do paguajnë më shumë

 

Debatet në studio nuk munguan as për numrin e familjarëve që do të preken nga vendosja e fashës 800 kilovat. Eksperti i energjisë thotë se qeveria nuk ka një shifër të saktë, madje e konsideron të paligjshme mënyrën sesi është marrë vendimi. 

“Nuk kanë një ide sesi mund ta zhvillojnë sektorin më mirë, ideja e tyre është thjesht rrit çmimin e konsumatorit. Të gjithë do të preken nga kjo rritje e tarifës, shifrat janë të gjitha kontradiktore, ministrja thotë 56 mijë, tani thuhet 39 mijë”, tha Elezaj.

Kësaj akuze ju përgjigj zëvendësministri Bejtja, i cili tha se mban përgjegjësi për ccdo të dhënë që bën publike, dhe për të treguar numrin e familjeve që preken tregoi të dhënat e fundit që dispononte në telefonin e tij. 

“Edhe kalkulimi është i paligjshëm  edhe forma e marrjes së këtij vendimi është totalisht e paligjshme.
39,093 konsumatorë janë mbi fashën 800 kilovat, ose 3.58% e totalit të numrit të konsumatorëve. Është një pullë  shumë e vogël për të pasur një konsum kaq të madh të konsumit vjetor të të gjithë Shqipërisë. Është me të vërtetë e papranueshme.  Harxhojnë më tepër sesa na kushton ne 100 milionë euro”, tha Bejtja.

Për të përcaktuar këtë fashë të energjisë, Bejtja tha se janë marrë si referencë të dhënat e konsumit të vitit të kaluar, dhe të dhënat që disponojnë institucionet për 8 mujorin e këtij viti.


Lajmi kryesor:

Kriza energjetike, debati në Report Tv/ Bejtja: Qytetarët mund të jetojnë me më pak energji! Elezaj: Po vidhet barbarisht, Qeveria keqmenaxhon me dashje


A.M./LR/Shqiptarja.com
  • Sondazhi i ditës:

    Qeveria shpërblim 5 mijë lekë për pensionistët, si e vlerësoni?



×

Lajmi i fundit

FOTOLAJM/ Milimetrat që eleminuan Gjermaninë, goli i Japonisë shkakton polemika

FOTOLAJM/ Milimetrat që eleminuan Gjermaninë, goli i Japonisë shkakton polemika