Ekspertiza mjekoligjore për Xhisiela Malokun: Dëmtime në trup me mjet mbretës dhe cigare

Report Tv ka mundur të lexojë ekspertizën mjekoligjore të kryer në trupin e 25-vjeçares, Xhisiela Maloku, në momentin që ajo ka bërë denoncimin ndaj ish të dashurit të saj Rexhep Rraja. Në këtë akt ekspertim një element i rëndësishëm për hetimin thuhet: 

“Dërrmishtja në shpatullën e djathtë dhe ekimozat në pulpën dhe kërcirin e majtë, janë shkaktuar me mjet mbretës. Dërrmishjet e vërejtura në kofshën e djathtë, janë shkaktuar nga veprimi i faktorëve termikë, siç mund të jetë edhe cigarja. Dëmtimet e mësipërme hyjnë në kategorinë e atyre dëmtimeve të cilat kanë sjellë për pasojë humbjen e aftësisë së përkohshme për punë në masën deri në 9 ditë”. 

Ekspertiza mjekoligjore për Xhisiela Malokun 

Në këtë përfundim mbërrin mjeku Elton Serani në ekspertizën mjekoligjore për shtetasen Xhisiela Maloku. Sipas kësaj ekspertize dëmtimet që ka marrë 25 vjeçarja i kanë sjellë asaj pamundësi fizike për të qenë e aftë për punë, ekspertizë kjo e cila është shoqëruar për hetuesit edhe me tabelën fotografike të dëmtimeve. Fakti që ekspertiza mjekoligjore ka përcaktuar në raport 9 ditë paaftësi për punë, detyrimi sipas ligjit bën që hetimi i çështjes të vijojë, pavarësisht tërheqjes së kallëzimit nga e dëmtuara Xhisiela Maloku. 

LEXO EDHE:
Tiranë/ U kap me kokainë në makinë, arrestohet nipi i ish-deputetit Rrahman Rraja! 22-vjeçari i tensionuar para hetuesve: Do flas në një moment të dytë

Ekspertiza mjekoligjore e Xhisiela Malokut

Kjo ekspertizë është pjesë e dosjes hetimore të prokurorisë së Krujës e cila po heton rastin ndërsa në ngarkim të Rexhep Rrajës me akuzën e përndjekjes dhe nga kjo e premte është sekuestruar edhe nga prokuroria e Tiranës si një provë hetimore. Ajo çka kjo ekspertizë konfirmon është fakti se djegia me cigare është përmendur dhe nga Xhisiela Maloku në kallëzimin që ajo ka bërë pranë SHÇBA-s në drejtorinë e policisë Durrës në korrik 2018.

Pas nisjes së këtyre hetimeve nën drejtimin e prokurorisë Krujë e Tiranë këtë të premte janë marrë në pyetje shtetasja Xhisiela Maloku, mamaja e saj motra dhe një shoqe. Ndërkohë hetime po kryhen dhe me analizimin e pamjeve filmike të disa subjekteve si dhe telefonave celularë të shtetases Xhisiela Malokut dhe disa personave të tjerë në hetim për këtë rast.

Kjo histori u risoll në publik pas denoncimit që PD bëri nga selia e saj nëpërmjet oficerit të policisë në arrati Emiljano Nuhu, ku ai shprehej se ishte kërcënuar të mos hetonte më rastin e shtetases Xhisiela Maloku. Ndërsa sipas burimeve të Report Tv nga policia e shtetit konfirmohet se ndaj shtetasit Rexhep Rraja nuk ka asnjë masë ndaluese dhe sa herë ai është kërkuar nga prokuroria për të dëshmuar është paraqitur pranë akuzës së Krujës.

TAG:
• xhisiela maloku
• rexhep rraja
• Rrahman Rraja
• Dosja rraja

Sondazhi i ditës:

Sa i përhapur është korrupsioni në Shqipëri?

• Shumë

  84.3%

• Pak

  9.3%

• Nuk e di

  6.5%

Vota total: 2572

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di