Elbasan/ Përfshihet nga flakët Kodrat e Shushicës në Elbasan, rrezikohet kurora e gjelbër, e pamundur ndërhyrja e zjarrfikësve për shkak të terrenit të vështirë

Masivet pyjore në Kodrat e Shushicës Ligat në Elbasan janë përfshirë nga flakët pasditen e sotme. Bëhet me dije se zjarri ka marrë përmasa të mëdha, duke rrezikuar edhe kurorën e gjelbër me pisha e dushk.

Për shkak të terrenit të vështirë, ndërhyrja e zjarrfikësve është thuajse e pamundur, ndërsa për izolimin  flakëve kërkohet ndërhyrje nga ajri.

Nuk dihen shkaqet e zjarrit, nëse ka qenë apo jo zjarrvënie e qëllimshme si në shumë raste të tjera në vend, ku persona të papërgjegjshëm dogjën hektarë të tërë me kullota e pemë.

Rendit zhvillimet sipas orarit:
Ora 23:29
Vijon përfshirja e flakëve pyjore në Elbasan

Situata në Elbasan vazhdon të jetë e njëjtë. 

Ende nuk është shuar zjarri që preku Kodrat e Shushicës në Elbasan ditën e sotmë. Zjarri ka depërtuar në kurorën e gjelbër e përbërë nga pisha e dushk. Prej oresh vijon lufta me flakët në Kodrat e Shushicës në Elbasan. Report TV ka siguruar pamje nga beteja që po bëjnë punonjësit zjarrfikës për të vënë nën kontroll zjarrin i cili po djeg një masiv te konsiderueshem pyjor. Terreni malor e bën edhe më të vështirë punën.

J.SH./G.MO/Shqiptarja.com
  • Sondazhi i ditës:

    A ju duket e drejtë që studentët e pavaksinuar të frekuentojnë auditorët duke rrezikuar shëndetin e të tjerëve?

Komento


×

Lajmi i fundit

John

Administrata e Ushqimit dhe Barnave në SHBA, strategji për përzierje të vaksinave për më shumë efikasitet