Një shpërthim ka ndodhur në një banesë të braktisur në qytetin e Elbasanit. Shpërthimi ndodhi në lagjen 5 Maji përballë spitali psikiatrik.
Sipas policisë, në banesën e braktisur ka rënë një zjarr ndërkohë që shpërthimi ka ardhur pasi në shkurret rreth saj kanë qenë të fshehur disa fishekë të vjetër të cilët kanë plasur si pasojë e zjarrit.
Ndërkohë që banorët thonë se kjo banesë përdorej nga përdoruesit e drogës, ndonëse nuk dihet ende nëse zjarri ka qenë i qëllimshëm apo jo.
Report Tv mëson se në vendngjarje kanë shkuar dy makina zjarrfikëse të cilat po punojnë për neutralizimin e situatës, ndërkohë që disa banorë janë evakuar për shkak të tymit të madh.