Elton John ndërpret koncertin në Zelandën e Re, humb zërin në mes të performancës (VIDEO)

 Elton John ndërpret koncertin në Zelandën e Re, humb zërin në mes të performancës (VIDEO)

Elton John

Sir Elton John është detyruar të ndërpresë koncertin e tij në Zelandën e Re pasi është sëmurë nga pneumonia.

72-vjeçari humbi zërin në mes të koncertit në Mount Smart Stadium të Auckland.

"Unë kam humbur plotësisht zërin tim. Nuk mund të këndoj, më duhet të iki. Më vjen keq", i tha ai turmës. 

Elton John gjatë momentit shpërtheu në lot duke u mbështetur në piano dhe tundur kokën.

Publiku ka duartrokitur këngëtarin anglez duke i dhënë mbështetje të  madhe ndërkohë që ai po largohej nga skena me ndihmën e disa asistentëve.

Më parë ai i tha turmës se ishte diagnostikuar me pneumoni.

Pneumoniae është një lloj infeksioni i mushkërive që shpesh shkaktohet nga bakteret ose viruset.

Është më pak e rëndë se llojet e tjera të pneumonisë, me shumicën e të sëmurëve që nuk kërkojnë kujdes mjekësor.

Simptomat krahasohen me ato të një ftohjeje të rëndë, shpesh duke përfshirë një kollë, dhimbje në gjoks, dhimbje të fytit dhe dhimbje koke.

Menjëherë pas largimit nga skena, Sir Elton u kërkoi falje fansave të tij në një postim prekës në Instagram.

"Unë luajta dhe këndova me zemër, derisa zëri im nuk mundi të këndonte më. Jam i zhgënjyer dhe shumë i mërzitur. Unë dhashë atë që kisha. Faleminderit shumë për mbështetjen tuaj të jashtëzakonshme dhe gjithë dashurinë që treguat gjatë performancës së sotme. Unë ju jam përjetësisht mirënjohës. Dashuri, Elton xx”, shkroi ai.

Në mediat sociale të gjithë komentuan pozitivisht për këngëtarin.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet