Emocionet e ditës së parë të shkollës

Çdo vit e më shumë ne rritemi , dhe shpesh harrojmë emocione të përjetuara kohë më parë. Një prej tyre është padyshim dota e parë e shkollës. Dikur me përparëse të zeza me jakën e bardhë, e ndërsa sot me lule në duar, e vetmja gjë që nuk ndryshon janë prindërit që kapin për dore fëmijët e duken më të emocionuar se ata vetë. Kamera e Report Tv ka shoqëruar Sarah Saraçin, vogëlushen e cila këtë vit shkon në bangat e klasës së parë.

Pas përshëndetjes së ngrohtë të drejtoreshës, secili prej vogëlushëve dëgjon emrin e shkon drejt klasës ku i pret mësuaesja e tyre e klasës së parë, e cila pavarësisht viteve asnjëherë nuk harrohet.

E bukur në këtë ditë është se emocioni dhe kënaqësia është e trefishtë, si nga fëmijët, prindërit edhe mësuesit. Këtë gjë na e pohon edhe mësuesja e klasës së parë B, Irma Hima.

Sarah me sytë e bukur , sapo futet në klasë gjen edhe shoqen e saj Ajlin e të dyja ulen së bashku në bangën e parë.

Dita e parë gjithmonë shoqërohet me aktivitete deri sat ë vegjlit të mësohen me rutinën e përditshme dhe me gjërat e reja. Pasi qëndruan pak kohë me vajzat e tyre, mami i Sarës dhe Ajlin pohojnë se bashkë me vajzat e tyre është njësoj sikur edhe ato janë në klasë të parë.

Duke i uruar Sarës dhe Ajlin, por edhe gjithë nxënësve të tjerë suksese në këtë vit të ri shkollor, ne shpresojmë që t’iu kemi rikthyer edhe ju të rriturve ca nga emocionet e ditës tuaj të parë të shkollës.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Tempulli' deri tani u sekuestruan mbi 1600 kg drogë, Balla: Do vijojmë

'Tempulli' deri tani u sekuestruan mbi 1600 kg drogë, Balla: Do vijojmë