3 kryetarë bashkie do jenë kandidatë të PS në listat për deputetë, ç'ka është pasur me dorëheqjen e tyre dhe komandimin në detyrë të nënkryetarëve në Mat në vend të Agron Malajt, dhe në Tepelenë në vend të Tërmet Peçit, në mbledhjet e këshillit të mbajtura këtë të mërkurë.
Por në rastin e Ervin Demos, i cili është dhe drejtues politik në Berat, ende nuk është mbledhur këshilli për pranimin e dorëheqjes, pasi Demo ka qenë në takimet intensive të kryeministrit Edi Rama me drejtuesit politik për finalizimin e listave. Mbledhja e Këshillit mund të mbahet të enjten ose të premten, por ndërkohë, njoftimin për dorëheqjen e tij në KQZ qeveria e bëri përmes një shkresë të prefektit të qarkut të Beratit.
Qeveria i ka dërguar njoftim KQZ-së dhe ministrive të linjës për dorëheqjen e 3 kryebashkiakëve Demo, Malaj dhe Peçi.
Në bazë të ligjit për qeverisjen vendore, nënkryetarët do të kryejnë funksionet e kryetarëve deri në zgjedhjet e pjesshme lokale.
Por se kur do të mbahen këto zgjedhje, ende nuk është e qartë. Në momentin që qeveria njofton presidentin për vakancat në 3 bashkitë, sipas Kodit Zgjedhor, 48 orë nga momenti i njoftimit nga qeveria, Presidenti i Republikës duhet të shpallë datën e zgjedhjeve, jo më larg se 30 deri në 45 ditë nga njoftimi.
Për të shmangur zgjedhje të pjesshme në 3 bashki të vendit, në një kohë që partitë politike do të jenë angazhuar në fushatën elektorale për garën e parlamentareve të vitit 2025, gjasat janë që më 11 maj, kur vendi zgjedh parlamentin e ri, në Mat, Tepelenë dhe Berat, qytetarët të votojnë edhe për kryetarin e ri të bashkisë
Nga sa Report Tv mëson nga Komisioni Qendror i Zgjedhjeve, ligjërish kjo mund të ndodhë pasi nuk ka asnjë pengesë. E për tu realizuar, qeveria duhet të njoftojë vakancat në presidentë pranë fundit të marsit, në mënyrë që afatet ligjore të korrespondojnë me 11 majit e zgjedhjeve parlamentare.
Njoftimi në KQZ për dorëheqjen e Ervin Demos:
'Komisionerit Shtetëror të Zgjedhjeve Tiranë. Bashkëlidhur gjeni shkresën me nr.236/1 prot., datë 11.3.2024, të prefektit të qarkut të Beratit, me lëndë "njoftim mbi dorëheqjen e kryetarit të bashkisë Berat z. Ervin Demo", për ndjekje dhe veprim nga ana juaj sipas parashikimeve të legjislacionit në fuqi', thuhet në njoftim.
Kliko këtu për të lexuar dokumentin e plotë
Njoftimi për dorëheqjen e kryebashkiakut Tërmet Peçi:
Kliko këtu për të lexuar dokumentin e plotë
Njoftimi për dorëheqjen e kryebashkiakut Agron Malaj:
Kliko këtu për të lexuar dokumentin e plotë
Këshilli i Bashkisë së Tepelenës është mbledhur këtë të mërkurë, ku ka miratuar unanimisht dorëheqjen e kryebashkiakut Tërmet Peçi, i cili do të jetë pjesë e listës për deputet në Qarkun Gjirokastër në zgjedhjet e 11 Majit.
Pas miratimit të dorëheqjes së Peçit, këshilli ka komanduar e zv.kryetaren Julinda Karteri si kryetare e komanduar e Bashkisë së Tepelenës.
Karteri do të drejtojë institucionin deri në përfundimin e mandatit, ndërsa në fjalën e saj para këshillit u angazhua për vijimësinë normale të punës së administratës dhe përmbushjen e projekteve në shërbim të qytetarëve.
“Në zbatim të ligjit 39/2015 për vetëqeverisjne vendore, Këshilli i Bashkisë ka kompetencën dhe funksionet e kryetarit të bashkisë deri në zgjedhjet e ardhshme vendore. Duke u bazuar në këtë ligj, shumica e këshillit bashkiak më ka votuar mua si kryetare të komanduar.”-shprehet Karteri.
Ndërkohë, emrat e kandidatëve për Qarkun Gjirokastër nga radhët e Partisë Socialiste pritet të zyrtarizohen në Asamblenë e kësaj force politike, që do të mblidhet në orën 19:00.
Këshilli i Bashkisë së Matit mbajti një mbledhje ditën e sotme, ku miratoi unanimisht dorëheqjen e kryebashkiakut Agron Malaj. Malaj do të jetë pjesë e listës për deputet nën siglën e PS në Qarkun Dibër për zgjedhjet e 11 majit.
Në këtë mbledhje ishin të pranishëm 19 nga 21 anëtarë. Pas miratimit të dorëheqjes, këshilli votoi për dy zv.kryetarët Myslym Zeneli dhe Flutura Biba. Zenelin u zgjodh kryetar i komanduar me 17 vota, ndërsa Flutura Biba mori 1 votë dhe pati një votë të pavlefshme.
Kryetari i ri i Bashkisë, Myslym Zeneli, shprehu angazhimin për të siguruar vazhdimin e shërbimeve dhe investimeve për qytetarët.
Emrat e kandidatëve të Partisë Socialiste për Qarkun Dibër pritet të bëhen të ditur pas mbledhjes së Asamblesë së kësaj force politike, që do të zhvillohet në orën 19:00.
Komente
Lajme të tjera
-
Në listën e hapur të Tiranës/ Braçe: Gara e pabarabartë, gati për betejë, nuk do e lë në mes për asnjë arsye
16 Mars, 21:45 -
Zgjedhjet parlamentare të 11 majit/ Peleshi: PS synon 7 mandate në Korçë! Nuk kemi hyrë ndonjëherë në garë për barazim
16 Mars, 18:13 -
Lapaj flet sërish për babain në listën e Beratit: Listat e mbyllura do t'i hedhim në kosh të plehrave, po vendosim aty prindërit tanë si garanci
16 Mars, 17:19 -
Zgjedhjet e 11 majit/ Fatmir Xhafaj: Pranova të garoj sërish për të përmbushur misionin për konsolidimin e reformës në drejtësi në standardet më të mira evropiane
16 Mars, 17:14
-
Gjirokastër/ I dënuar me 3 vite burg për shitje të lëndëve narkotike, arrestohet 34-vjeçari i shpallur në kërkim
16 Mars, 16:59 -
Basha prezanton kandidatët e 11 majit për Shkodrën: Rama-Berisha i vazhduan pazaret, shqiptarët ‘humbën’ 4 vite për interesa e tyre
16 Mars, 13:50 -
Zgjedhjet e 11 majit, KQZ miraton listat e kandidatëve për 7 subjekte zgjedhore! Mes tyre PS, PSD, dhe koalicionet ‘Shqipëria Bëhet’ dhe ‘Djathtas për Zhvillim’
16 Mars, 12:22 -
Hapja e tunelit të Murrizit, Rama: Na e mori shpirtin derisa e lidhëm krejt si duhej Rrugën e Arbrit! Qytetarët: U plotësua ëndrra shekullore e dibranëve
16 Mars, 08:46 -
SPECIALE/ U ‘arratisën’ nga Holanda për të jetuar në fshatin Perondi të Kuçovës! Historia e çiftit holandez që shqiptarizuan edhe emrat e tyre
16 Mars, 08:33
-
Preç Zogaj: Zgjedhjet që nuk ndryshojnë asgjë
15 Mars, 17:44
-
‘Zhgënjim total!’ Një tjetër aleat drejt ikjes nga Berisha, Shtjefni i Ora e Shqipërisë: Nuk lejoj askënd të na shkelë me këmbë, në vazhdim do japim versionin tonë përfundimtar
15 Mars, 16:21 -
Më i votuari i primareve në Elbasan! Berisha e “lëshoi”, Lapajt i ikën, Dash Sula: Po më kërkojnë me ngulm në PD
15 Mars, 16:09
Pervec profesor Ervin demos Kto 2 tjeret jane me dosje qe nga 1997 per grabitje e krime
Përgjigju