Sëmuret në burg! Gjykata liron nga qelia dhe e çon në arrest shtëpie babanë e Hajrave të akuzuar për vrasjen e Jan Prengës

TIRANE-Dy muaj pas arrestimit për rrëmbimin dhe vrasjen e Jan Prengës, gjykata e Posaçme ka ndryshuar masën e sigurisë duke e liruar nga qelia dhe dërguar në arrest shtëpie Bajram Hajrin 64-vjeç. Ai është babai i Leonard Hajrit 36-vjeç, që është mes personave të arrestuar dhe Altin Hajrit, pronar i kompleksit "Golden" në Shijak (i sekuestruar), që është ende në kërkim nga drejtësia lidhur me dosjen.

Por përse u lirua 64-vjeçari? Gazetari i Report Tv, Arsen Rusta raporton se vendimi është marrë nga Gjykata e Posaçme kundër Krimit dhe Korrupsionit ditën e premte pas kërkesës së avokatit mbrojtës me arsyetimin se 64-vjeçari është me një veshkë dhe është sëmurë në burg. Avokati ka përdorur gjithashtu si argument edhe masat mbi situatën e koronavirusit, ku me Akt Normativ u liruan 600 të dënuar.

Mbrojtja kërkoi heqjen e plotë të arrestit për babanë e dy djemve Hajri, por gjykata pasi është njohur me raportin mjeko-ligjor vendosi që të ndryshonte masën e sigurisë me burg për ta dërguar në arrest shtëpie deri në përfundim të hetimeve që vijojnë nga SPAK-u. Tashmë Bajram Hajri do të qëndrojë në banesën e sekuestruar me kërkesë të OFL-së dhe miratimin e Gjykatës së Posaçme.

Të arrestuarit akuzohen për “Rrëmbimi ose mbajtja peng e personit”, “Fshehja ose asgjësimi i kufomës”, “Veprime që pengojnë zbardhjen e të vërtetës”, “Përkrahja e autorit të krimit”, të kryera në bashkëpunim dhe “Armëmbajtja pa leje”.

Report Tv hodhi dritë mbi këtë ngjarje të rëndë kriminale dhe rolin e Hajrave e Dritan Rexhepit duke sjellë detaje, foto dhe dokumente ekskluzive, që u krye si karrem për t'i ushtruar presion vëllait të tij, Astrit Prengës dhe shokut Gëzim Shullani për të kthyer sasinë e heroinës që kishin marrë në Angli (lexo ketu). 

Report Tv solli foto që tregonin mënyrën se si u mor peng 49-vjeçari Jan Prenga, transportimi i tij në bodrumin e kompleksit “Golden” në Shijak, killerat me kazma dhe lopata si dhe fshirja e njollave të gjakut, me leckë dyshemeje dhe detergjent kimik (lexo ketu)

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lon: 30/03/2020 17:07

    Ta gezoni gjykaten speciale megjith OfL etj kjo esht drejtesia e re dhe mos u ndjeni me ...

    Përgjigju
  • Sakipi: 30/03/2020 17:02

    Drejtesi e deshtuar dhe shtet i mbaruar.Necvend te botes ndodhe qe nje person i akuxuar per vrasje,ende pa u zbuluar krimi makaber.Gjykata specjale sapo e ngritur leron nga burgu me mase te lehtesuar Arrest shtepije! Per cfar provash e sekret hetimi flitet kur nje nga autoret kryesore te kesaj vrasje ndodhet ne arrati.Icili tashti e ka me kollaje te bashkpunoje me babane e tije per fshehje te gjurmeve te krimit.Fatkeqesisht krimi ka blere drejtesine e gjygjezuar shtetin.Shqiptaret presin vendosjen e drejtesise nga Gjygjtare e gjykata te korrptuar.As qeverija flet.Opozita jo se jo.Cgjo gje ka mbaruar ne ket vende.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Zgjedhja e kryetarit në Himarë, nis me tensione mbledhja e Këshillit Bashkiak në Vlorë! Banorët thirrje greqisht kundër Tavos dhe Klosit

Zgjedhja e kryetarit në Himarë, nis me tensione mbledhja e Këshillit Bashkiak në Vlorë! Banorët thirrje greqisht kundër Tavos dhe Klosit