Deltina ka marrë formën më të bukur në Galerinë e Artit Tiranë. Është qeramika e Mira Kuçukut që frymon legjendë përmes “Rozafës”, “Orëve të mira” të maleve, etnografisë, poezisë, bashkëkohësisë e mbi të gjitha gruas.
“Është një qeramikë e lirë. Sepse unë edhe vazon e shikoj si një femër të bukur. Dhe në fakt gjithmonë kanë pasur lidhje. Amforat e hershme kanë qenë figura njerëzore paçka që bënin dhe funksionin vazo. Dhe diku kam thënë që qeramika është grua! Është grua me bukurinë e saj, zjarrin e brendshëm që ka”, shprehet artistja Mira Kuçuku.
Është ekspozita e parë personale e artistes në vend, përtej kufijve e të tjera kolektive numëron dhjetëra. Një premtim i mbajtur ndaj mbesës së saj.
“Shkak u bë mbesa ime, e cila nuk kishte parë asnjë ekspozitë nga unë. Dhe unë i thashë vitin e kaluar se do të bëja një ekspozitë kur të vinte ajo”, tregon Kuçuku.
Është mbi gjysmëshekullore lidhja e saj me artin e qeramikës, pasioni bën që nga ideja në letër, tek puna me baltën, tharjen, pjekjen, e deri në pikturimin final, çdo vepër të bëhet inspirim për pasardhësen...
“Unë jam e dashuruar me terakotën. Është e befasishme, vetë qeramika është e tillë. Fjalën e fundit e jep zjarri”, thotë më tej.
Shumica e punëve lindin prej periudhës së izolimit për shkak të pandemisë, si një mënyrë e Kuçukut për të komunikuar emocione pozitive, përmes artit në qeramikë.
Ka një larmishmëri temash në galerinë e veprave të saj e lëvron teknika me një shkallë të lartë vështirësie. Me terrakotën është një dashuri e pandashme, ndërsa aplikon shpesh edhe teknikat moderne si japonezet, ‘raku’ apo ‘naked raku’, që shohim të sjellë butë e të lëmuar sipërfaqen e shumë punëve të artistes.
“Nga viti 1995 unë 85 për qind të punëve i kam ‘raku’, apo ‘naked raku’ që është diçka më e avancuar”, thotë artistja.
Rrëfen se ndjehet e shpërblyer, pasi tanimë urët që vepra e saj ka lidhur me publikun janë të shumëfishta e gati të pazgjidhshme, për besnikërinë ndër vite.
Lajme të tjera
-
Ekspozita me trofetë e M.Cityt, fëmijë e të rritur në kryeministri! Tifozët: S’e prisnim kurrë t'i shikonim në Shqipëri
17 Prill, 16:02
-
'Udhëtarët e kotësisë', piktori Helidon Haliti hap në Shkodër ekspozitën më të madhe të tij
7 Prill, 17:12 -
Ekspozitë ndërgjegjësuese për drogën, alkoolin e duhanin! Rreth 90 piktura e punime të nxënësve u ekspozuan te Liceu
31 Mars, 17:41
-
Zelensky javën e ardhshme në Tiranë, çelet ekspozita 'Ukraina, një krim lufte', Rama: Në samit liderët nga Evropa Juglindore
22 Shkurt, 19:56 -
Çelet ekspozita ‘Muri’ në galerinë ‘Vilson Kilica' të Fierit, ekspozohen piktura dhe skulptura të 13 artistëve
11 Shkurt, 11:56 -
'Burri i Kështjellës' në rozë, ekspozita ndryshe e fotografes Blerta Kambo: Patriarkati shqiptar, kanuni dhe mënjanimi i gruas
2 Shkurt, 20:23 -
‘Jeta dhe karriera e Paolo Rossit’, ekspozitë 24 ditore në Tiranë për legjendën e futbollit! Falas për publikun
27 Janar, 14:31 -
Leonard Qylafi 'Përtej rrethit të konfuzionit'! Xoxa: Puna kërkimore në veprat e tij sjell frymë të re! Romano: Udhëtim në tri seri, nga propaganda te interneti
25 Janar, 15:41
-
Kështjella, referenca te filmi Barbie dhe roza si forcë kundër patriarkatit
14 Janar, 11:55 -
Gjyqet e komunizmit, çelet ekspozita e rrallë në Shkodër! 150 fotot e të dënuarve tek muzeu ‘Marubi’: Nga imazhet e Musine Kokalarit, te Anton Harapi
30 Dhjetor 2023, 17:35
-
Hapet galeria e arteve digjitale në Korçë, e parë në vend! Rama: Një eksperiencë e pazakontë në këto ditë festash! Filo: Ndërthur kulturën e teknologjinë
24 Dhjetor 2023, 17:43
-
‘Shenja që udhëton në breza’, ekspozita me grafika në Fier! Dy vite pas vdekjes, ekspozohen punimet e Mustafa Arapit
29 Nëntor 2023, 12:39
