Europa league, 5 ekipe sigurojnë kalimin në 1/16, Lazio thuajse jashtë

Manchester United, Celtic, Basel dhe dy ekipet spanjolle Sevilla e Espanyol janë 5 ekipet e parë që arrijnë kualifikimin për në fazën e 1/16 të Europa League. Manchester United ka fituar lehtësisht 3-0 në “Old Traford” ndaj Partizanit të Beogradit dhe siguroi kalimin më tej.Greenëood, Martial dhe Rashford ishin autorët e golave ndërsa Az Alkmar mban vendin e dytë në grupin L dhe është shumë pranë fazës tjetër.

Celtic Fc fitoi me përmbysje 2-1 ndaj Lazios në “Olimpico” ,siguroi kualifikimin dhe bën që italianët të jenë thuajse jashtë Europa League që në fazën e grupeve. Ciro Immobile kaloi Lazion në avantazh por skocezët përmbysën gjithçka me golat e Forrest dhe Nitcham. Mbrëmje e errët edhe për skuadrën tjetër të kryeqytetit italian Romën që u mposht në Gjermani nga G’Ladbah. 2-1 fituan vendasit por në grupin J çështja e kualifikimit është e hapur për të katërta ekipet.

Ndërkaq Sevilla specialistja e Europa League luajti tenis në Luksemburg ndaj Dudelange duke fituar 5-2. Ishte mbrëmja e Munir e Dabbur që shënuan respektivisht tre dhe dygolësha. Më tej kaloi edhe spanjollja tjetër Espanyol dhe Basel i Taulant Xhakës./ Përgatiti Andi Kapxhiu

d.ba./Shqiptarja.com
Komento