Ambasadori i BE në Beograd: Dialogu me Kosovën, kyç për pranimin e Serbisë në BE

Ambasadori i BE në Beograd: Dialogu me Kosovën, kyç për pranimin e Serbisë në BE

Anëtarësimi i Serbisë në Bashkimin Evropian është thellësisht i kushtëzuar nga dialogu mes Kosovës dhe Serbisë, ka deklaruar ambasadori i Bashkimit Evropian në Serbi, Sem Fabrizi.

“Raundi i fundit i dialogut mund të ketë qenë më i vështiri nga të vështirët. Të dyja palët duhet t’i përkushtohen atij. Dialogu është një element kyç për stabilitetin rajonal dhe pranimin e Serbisë në BE. Ka interes të madh që dialogu të ketë sukses dhe BE-ja po bën të pamundurën për këtë”, tha Fabrizi për Radio-Televizionin e Serbisë.

Rundi i fundit i bisedimeve midis kryeministrit të Kosovës, Albin Kurti, dhe presidentit të Serbisë, Aleksandër Vuçiç, u zhvillua më 19 korrik në Bruksel. Bisedime të cilat përfunduan me akuza të dyanshme për mungesë të vullnetit që procesi të ecë përpara.

Fabrizi tha se kushtet që Brukseli ia ka vënë Serbisë për anëtarësim në BE, janë konstante dhe nuk ndryshojnë.

Duke theksuar se dialogu me Prishtinën, sundimi i ligjit, reformat ekonomike, prokurimi publik, subvencionet, ndihma shtetërore janë aspektet në të cilën qeveria serbe duhet të përqendrohet.

Serbia ka mbajtur Konferencën e parë ndërqeveritare me BE-në në fund të muajit qershor së bashku me Malin e Zi.

/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lindon Selahi 'sms' Sylvinhos: Trajneri s'më ka telefonuar, kam shpresa për Europianin

Lindon Selahi 'sms' Sylvinhos: Trajneri s'më ka telefonuar, kam shpresa për Europianin